麥貝夷睇精神科醫生自認似「豬」！ 失控爆喊：拍拖時好Take Care我，唔係炮友關係 ！
廣告
麥貝夷早前自爆前男友性伴數量多到驚人，矛頭直指緋聞男友翟威廉。翟威廉多次否認與麥貝夷是戀人關係。女方近日自爆要睇精神科醫生，即刻睇下咩事！
撰文：Lmc｜圖片：麥貝夷＠IG、翟威廉＠IG｜編輯：海月
網友多數十分支持翟威廉
新聞爆出後，麥貝夷一直沒有否此對方是翟威廉，而翟威廉早前也大方認自己有性伴，與前女友陳庭欣分手後也一直單身，也否認了麥貝夷是戀人關係。網友多數十分支持翟威廉，認為麥貝夷是得不到正印身份，才會爆料。
麥貝夷自爆要睇精神科醫生
被「炮友」的麥貝夷最近接受訪問時情緒失控爆喊，提到自己十分傷心，要看精神科，靠藥物嚟穩定情緒。她提到：「拍拖時佢好take care我，會照顧我感受，肯接受我要求戴避孕套㗎，我哋唔係炮友關係。」
麥貝夷：只為幫自己攞返個公道
麥貝夷接受訪問提到，是為自己取公道，又指與前度分過一次手之後翻撻，斷斷續續拍拖年半，不過就堅持不會開名，又不肯提供合照。另外，麥貝夷也講到：「我哋係拍拖，唔係炮友關係，佢會同我食飯、睇戲，大家係有互動嘅，而我認知嘅『炮友』，只係得牀上運動，完事就冇下文。即使冇特定時間，但我好整潔，我會去佢屋企幫佢執拾，大概7至10日上去一次。」
麥貝夷承認自己好豬
另外，麥貝夷提到是很黐身，又指自己35歲要專注事業，開心簡單就可以。她又提到會幫對方按摩：「作為女友，佢做事我會支持佢。佢知我有過抑鬱症，都會幾take care我，我哋相處得幾開心，所以聽到唔止一個人同我講返，話佢周圍唱我纏擾佢，我真係好奇怪！原來咁叫纏擾，我真係好豬，呢件事對我好唔公平。」
自言：我諗我運氣唔係好好
不少網友力撐男方，指麥貝夷造新聞搏出位，麥貝夷回應：「我諗我運氣唔係好好，就算我幾努力都冇乜結果，其實我做錯啲咩啫？當日我公開個post，只不過為自己辯解，點解要畀網民插？不過，人哋傷害我，我唔會傷害返人，我唔想影響到佢事業。」被問到怕不怕被傳染性病？她即時笑言：「我本身好安全，有安全措施呀！女仔要保護自己。」
