高海寧愛情失意事業得意4套劇集輪住播回顧性感御用狐狸精｜頭號粉絲

高海寧自參選港姐至今已入行12年，由最初飾演狐狸精，壞女人、第三者等角色，之不過近年高海寧開始在《婚姻合伙人》、《金宵大廈》、《不懂撒嬌的女人》、《殺手》、《迷網》及《反黑路人甲》等多套劇集中轉做女強人、正印女友/大婆、好媽媽等角色，有意洗甩狐狸味，從而擴展更多戲路，飾演更多不同的角色。

撰文、圖片：東方新地｜編輯：八卦妹（原文刊於：東方新地）

高海寧四劇連播網民激讚演出超班

高海寧（高 Ling）同唔少花旦一樣透過選美入行，其34D火辣身材令她極速受關注，不過，多年來靠拋胸賣弄身材演出，即使被封性感女神，高Ling有段時間，卻被定型演狐狸精、壞女人角色，性感拋胸已成慣性附帶演出，唔想局限框框，幾年前高 Ling開竅，決定封胸唔再刻意露肉，不過收起最煞食武器，亦要捱過低潮。

擁火辣D級身材的高Ling，以往經常在劇集演壞女人角色，在《單戀雙城》亂搞男女關係，在《不懂撒嬌的女人》勾引林文龍，姣出汁。

近日高 Ling就霸佔無綫黃金時段兩線檔，劇集《殺手》、《迷網》、《反黑路人甲》輪住上，就連首次拍內地劇《三十而已》亦在這期間播出，人氣中港兩地高企。在《三十而已》雖然只是客串兩集，但劇中演被未婚夫背叛角色的她，一場掌摑小三戲份，正印氣場拿捏到位，演技令人刮目相看，獲網民激讚演出超班，令她成功在內地起步。據知情者透露：「喺《三十而已》高Ling只係得兩集戲，話晒有咗知名度，好多藝人會嫌戲份少唔肯客串，但高Ling好信任公司，從來都唔揀嘢做，最初接到角色，知道內容涉及正印同小三開火，佢亦冇話怕劇情敏感諸多扭擰，一切聽從公司安排，亦因為珍惜機會，今次終於冇白費心機，佢一出場已經搶晒戲，演出好多人談論，唔少內地網民大讚佢做得好，客串都有咁好反應，連佢自己都預計唔到！」

近年積極擴闊戲路的高海寧，在兩個月內連續有四套劇見街，氣勢一時無兩。在《殺手》演清道夫，造型精心設計。

雖然在內地劇《三十而已》只客串兩集，不過高Ling演被男友背叛的角色超到位，掌摑小三一幕演技受網民激讚。

大方祝福前度鄧智偉

事業博出成績，高Ling對感情事處理得體亦贏盡支持。今年六月，前度鄧智偉爆出桃色糾紛，高Ling回應事件時未有因被對方背叛而踩多腳，反而擔心對方受事件影響，氣量表現令她加晒分。據知情者透露：「鄧智偉爆出桃色醜聞，高Ling都被拖落水，好多人都剝住花生等睇件事點發展，分手雖然令高Ling好傷心，不過佢堅持感情事要低調，分開咗更加唔想落井下石，為免被人再追問先至喺社交網交代幾句感情已畫上句號，出嚟回應件事仲大方祝福對方，好多人都讚佢夠厚道，公司亦認為高Ling處理件事好得體，最重要係氣量好有大姐風範，令佢升晒呢！」