馮允謙新嘗試:《Jay Fung儀態訓練學院》推出A Cappella版本
廣告
馮允謙(Jay Fung)最近推出了他的新歌《Jay Fung儀態訓練學院》的A Cappella版本,這次他與10位成員的The Kickvoxers合作,其中包括他的唱歌老師Guddy。「佢幫咗我好多,由我兩年前第一次喺九展開演唱會,到舊年去紅館開show,我好需要vocal stamina(聲韻耐力),去令自己把聲更強。」填詞人黃偉文(Wyman)透露,創作歌詞時有兩種不同的演繹方法,一種是激烈的怒火爆發,另一種則是較為誇張的「camp精式」版本,最終選擇了前者。最近,Jay Fung又發掘了第三種版本,即A Cappella版本,並邀請了多位合作夥伴。
首次與唱歌老師Guddy合作
馮允謙解釋創作A Cappella版本的原因:「其實諗咗好耐,想做一個新版本,但又諗唔到點去玩,最終我同我A&R同事Viki Chan一傾嘅時候就諗到不如試嚇A Cappella,因為我比較少接觸呢個範疇,所以今次係一個好大突破。」他還提到,去年十二月曾與另一隊A Cappella團體合作,「我都想嘗試玩嚇A Cappella,其實上年十二月,我同另一隊A Cappella group有合作過,當然我嘅負擔冇咁重,因為都係專注我主音嘅部份,和音嘅工作交番俾佢哋,所以我都想嘗試,唔知有冇機會,試嚇唔唱主音,做嚇啲beatbox,雖然我完全唔識,但我聽講釗峰識beatbox,可以搵佢一齊合作嚇!」
唔俾自己舉高手
在尖沙咀1881拍攝《Jay Fung儀態訓練學院》的A Cappella版本MV時,場景走的是歐陸懷舊風,與原版MV有著互相呼應的感覺。「原裝版會比較憤怒、激情,但今次A Cappella version,因為要配合大家把聲,所以呢個版本會收埋啲,會cool少少,所以頭先拍MV嘅時候都比較cool。」馮允謙分享,錄製這首歌時,雙手不期然有很多誇張動作,但在鏡頭前會顯得奇怪,「剛纔唱嘅時候,雙手好想鬱,但又要壓制住,最終拍咗4、5個take,自己都好滿意。」