陳蕾新歌MV《0.1秒後世界》獻出螢幕初吻與好友張蔓姿共譜浪漫

香港歌手陳蕾最新單曲《0.1秒後的世界》的音樂錄影帶（MV）在外蒙古拍攝，並邀請了她的好友張蔓姿Gigi擔任女主角。陳蕾分享，這首歌的靈感來自於一本書，書中提到人類實際上生活在0.1秒後的世界，因為眼睛所見的景象需要0.1秒才能傳送至大腦。她希望透過這首歌鼓勵大家珍惜當下，做一些讓自己無悔的事情。「點解寫呢首歌係因為我好想寫一首可以比我自己揸車嘅時候，亦都好啱Road Trip去聽嘅一首歌，然後發現其實我都寫過好多『一個人』嘅歌曲，但未寫過一啲『兩個人』比較浪漫嘅歌，咁所以就不如試下用呢一首寫一個好浪漫嘅愛情故事啦，其實我腦海入面係先有一個MV畫面嘅故事，我先慢慢再開始落筆寫歌詞，所以呢個當係我自己虛構嘅一個小小浪漫故事！」陳蕾說。

浪漫故事創作背景

陳蕾解釋選擇外蒙古作為拍攝地點的原因，她認為新歌給人一種遼闊的感覺，非常適合開車時聆聽。「同埋好啱揸車……我就係想寫隻歌自肥呀嘛！所以我就覺得一定要搵一個有大自然風景、十分遼闊嘅地方，然後又希望有埋啲小動物呀，羊、牛、馬呀咁，不過最緊要就係想要有陽光、藍天、山脈！所以就揀咗外蒙古呢個地方嚟拍攝啦。」

首次螢幕初吻挑戰

在《0.1秒後的世界》MV中，陳蕾與Gigi駕駛一輛古董車，在山脈公路上奔馳。MV的高潮部分是兩人在營火前接吻的場景，這也是陳蕾的螢幕初吻。「無錯！呢個係我嘅螢幕初吻啦！咁亦都係我自己要求嘅，因為我覺得呢個MV可以有咁樣嘅畫面，我就係度諗咁不如搵女仔啦！我覺得好似搵女仔，我會覺得無咁怕醜，最終我仲要搵咗個好朋友張蔓姿就更加容易『落手』去做呢件事，更加容易打破我呢一個螢幕初吻嘅嗰種尷尬！不過最終係無尷尬架！哈哈！」陳蕾興奮地分享。張蔓姿也表示，拍攝過程非常自然，「原來投入拍MV嘅時候就算有一幕被導演突然講一句「錫啖呀！」其實嗰刻都係覺得好自然，完全唔尷尬！」