李祖南首支個人單曲《容易入口情歌》熱力推出羅允芝擔任MV女主角

追夢路上挑戰與堅持

追求音樂夢想需要大量資金，Cho坦言這一路走來非常不易。「做獨立歌手係辛苦，有位前輩話好多音樂人都可以全職做音樂，做到好多嘢，過程都係辛苦嘅，但當去到有其他責任嘅時候，你仲幾有堅持做音樂呢？咁先睇到你有幾愛做音樂！呢個對我嚟講係一個考驗，自己生活上都有唔同責任，但我會堅持，做多啲歌，之後有更多作品推出！」他表示，為了資金，他不得不從事多份工作，這讓他的生活充滿挑戰。

獨立製作音樂喜悅

在音樂製作方面，Cho一手包辦了所有工作，從作曲到後期製作。「自己玩音樂已經有10年，一開始係以作曲為先，喺YouTube睇教學逐啲逐啲自學。然後慢慢嘗試填詞、主唱同後期製作等。今次呢首歌同樣都係自己一手包辦曲詞編監，雖然會比一個團隊花更多嘅時間，要自己確保每個流程都係最滿意同沒出錯，但見證自己作品由開始到完成，嗰種滿足感係我繼續做音樂嘅動力之一！」

朋友與愛人支持

在資金緊張的情況下，幸好Cho有許多朋友的支持。「今次呢個MV真係大打友情牌，導演Leo同佢嘅團隊不問回報，為嘅就係希望我哋拍到一個有質素嘅作品。而最重要就係女朋友Kara 一直以來嘅大力支持，由統籌、搵朋友幫手styling 同影相到設計宣傳等，為整個拍攝付出咗好多，所以好感激大家相信我同支持我。」他對於羅允芝的參與也感到非常滿意，「Giann 本身係Kara 嘅大學同學，我哋都覺得佢好有氣質，所以一開始就好希望可以邀請到佢作為我嘅女主角，而佢亦都好爽快咁答應。第一次見面就覺得佢係一位好隨和同有理想嘅女生，佢嘅演技亦都係我哋今次拍攝最大嘅收穫之一。」