J.Arie新歌《一人之下》MV首播展現女性愛宣言

香港獨立唱作歌手J.Arie，即雷深如，近年以其大膽創作風格聞名。繼其電影主題曲《你死我活》和《我錯》後，J.Arie於7年後再次推出情歌《一人之下》，這首歌由女性角度出發，表達了一種主導愛情的「愛的宣言」。「呢首歌係講我哋女仔就算喺外間嘅世界係『萬人之上』嘅女皇，只要我哋搵到一個心愛嘅人，令到我哋有初戀感覺嘅，我哋都會好願意退位讓賢，臣服喺一個人嘅《一人之下》㗎！近呢幾年都有幸寫慢歌畀其他歌手，今次覺得呢首慢歌終於要留返比自己唱喇！期間限定，只此一首！」J.Arie說。她透過社交媒體Instagram認識了Marco，並邀請他成為《一人之下》音樂錄影帶的男主角。「其實唔係得男仔先鍾意𥄫野，女仔都好鍾意㗎！喺IG上我絕對係畀Marco嘅顏值同埋身材吸引嘅，覺得佢個feel都好適合我個MV，因為佢又可以man又可以有種弟弟可愛嘅感覺！」她表示，並稱讚Marco有點似人氣歌手Tyson Yoshi。

情歌MV新嘗試

對於多數歌手來說，情歌和愛情主題的音樂錄影帶是常見的，但對於J.Arie而言，這是一次突破傳統的嘗試。「要我平淡化簡直就係難之極難啦，我痴㗎嘛！但都我覺得呢首歌本身應該好多好強勢，好麻甩，成日都要照顧人嘅女仔會好有共鳴，所以MV我都想拍得生活化啲，相信入面嘅情節大家日常生活都會深深感受過，經歷過，呢啲咪就係共鳴囉！」她解釋。在這次的MV中，所謂的「床戲」並非傳統意義上的激情戲碼，而是充滿了純真的愛和初戀的感覺。「愛唔止係激情嘅！雖然我係好鍾意性愛，但係女皇日常生活都需要唞嚇氣，需要初戀！今次我唔使除衫啦，除衫就交畀男主角Marco啦！畢竟佢真係練到好大隻，身材咁好，呢啲床戲除衫部份就交畀佢啦！」J.Arie表示。《一人之下》的MV於今晚9時在J.Arie的YouTube頻道首播。