黃明德新作《框框》MV揭祕：大學同學助陣隧道成主場景
個人身份首發作品，創作過程充滿挑戰
這次《框框》的發布，標誌著Dark以個人身份正式發表作品，這也是經過層層篩選的成果。在創作過程中，Dark曾因多次提交的Demo未能通過公司A&R的審核而與同事產生衝突。「我記得嗰陣時作咗好多首歌，佢首首都話唔得，有一次我燥燥地話：『咁你想要啲乜呀！』佢就話：『作一首鬧我嘅歌囉！』我記得好似用咗幾個鐘就作到，然後交俾佢，佢就話：『係囉！我就係要呢啲咋嘛！』嗱，講到好似鬧晒交，但其實我哋係好friend嘅，哈哈。」Dark坦言，隨著寫歌的數量增加，他的創作方向愈見清晰，且愈有目的性，但當中亦有反思，「例如好想快啲俾人揀中、好想俾人認同自己嘅本事，但慢慢失去咗自己嘅元素，好多都唔係自己想表達嘅嘢。到而家出咗《框框》，先提醒番自己，寫歌最緊要表達到自己，任何創作都係。」
MV拍攝背後故事
為了配合《框框》的歌曲主題，MV的拍攝選擇了行車隧道作為主要場景。「有一個好似無盡嘅感覺，亦都好多謝公司嘅努力，可以借到呢條隧道拍MV。」Dark表示，他最喜歡MV中自己困在一個大盒內咪嘴的鏡頭，「新奇又有趣，MV最尾我走出咗一個框框，但其實係走向一個更大嘅框框，所以最後嘅意義除咗係想同大家講要打破框框，其實呢個世界有無限咁多個框框俾你慢慢去打破，呢條路係有排行。」
大學同學特別出演
在MV中，所有的演員竟然都是Dark的大學同學。由於拍攝時間緊迫，Dark在拍攝期間未能與同學們有太多互動，這讓他感到非常遺憾。「因為除咗拍MV，我都會影下啲相，拍一啲IG reels，我冇乜空閒時間同佢哋做一啲互動、傾偈，呢個係少少遺憾。同埋中間我有少少對唔住佢哋嘅，因為真係拍到Over run咗啦喺隧道，要開返條隧道行車，之後我直接走咗，冇同佢哋say Goodbye，本身諗住拍完後同佢哋食個早餐，但最後架車直接去我屋企，所以就冇咗件事，之後我淨係可以短訊同佢哋講：『今日辛苦你哋啦。』不過之後會請佢哋飲咖啡、食嚇魚蛋燒賣。