全能新星張運兒Yoona探索AI與創作界限首支單曲《Hallucinate》引發話題
廣告
張運兒Yoona，一位全方位才華橫溢的藝人，今年正式以歌手身份出道，並推出了首支個人單曲《Hallucinate》。這首歌不僅展示了她的音樂才能，更深入探討了在AI時代下，人類如何面對創作上的挑戰。對於自己的作品能夠被知名歌手Gin Lee選用，Yoona感到非常興奮，她表示：「聽到首歌面世嗰一刻覺得好興奮、好神奇，好似完成咗我人生第一個好重要嘅Achievement！」
音樂賽事嶄露頭角
Yoona的音樂之路並非一帆風順。在參加Addoilmusic《第四屆敢作敢唱原創歌曲比賽》中，她與友人榮獲亞軍，其才華得到業內人士的認可。資深音樂製作人楊鎮邦（Bryan）對她的才華印象深刻，隨後簽約將她納入旗下。Yoona與楊鎮邦合作無間，不僅為Gin Lee創作了《告別煤氣燈》，還共同打造了《Hallucinate》。關於這首歌曲，Yoona解釋說：「《Hallucinate》想諷刺大企業利用人類創作者嘅靈感同已有作品，作為訓練AI嘅數據，亦都質疑呢啲行為有冇經過授權。另外，呢首歌探討究竟AI有冇意識，佢哋冰冷嘅機械式創作，係咪可以被視為真正嘅創意？我哋亦都希望透過呢首歌，引起大眾多啲關注我哋創作者面臨嘅侵權問題。」
深入AI與創作辯證
去年，「Hallucinate」一詞因其與AI相關的新解釋而被劍橋詞典選為年度代表生字。這一新詞彙的解釋觸及了AI創作的核心問題。Yoona對此深有感觸，她說：「我哋用生成式AI，例如ChatGPT，已經可以即時創作好逼真嘅圖像、影片甚至音樂，但係呢啲都係AI產生幻覺而得出嘅作品。究竟我哋點樣分辨AI有冇意識？我哋又可唔可以完全依靠佢嚟創作作品呢？呢兩句歌詞可以帶我哋反思呢啲問題。」
首次挑戰MV演出
在《Hallucinate》的音樂錄影帶中，Yoona挑戰了雙重角色，一方面扮演AI創作歌手，另一方面則是前練習生。她在MV中的表現引人注目，特別是與企業高層對質的一幕。Yoona分享了她的拍攝經歷：「我從來無試過喺咁多人面前發癲！一開始都有啲擔心，但係導演同演員都非常專業，教我點樣演戲，同埋不斷鼓勵我，最後呢一幕都拍得好好睇，大家睇MV時可以留意下。」
