香港金曲頒獎典禮｜曾比特反勝MC奪男新人金最爭議 網民：之前輸晒畀MC﹗
香港金曲頒獎典禮｜《聲夢》＋《聲生不息》混合版
《香港金曲頒獎典禮》周日舉行前率先公布MIRROR首《BOSS》奪最佳合唱歌曲，成為網民熱話，到頒獎禮當晚炎明熹曝光率多過一眾前輩歌手，被網民恥笑「以為睇緊《聲夢傳奇》加《聲生不息》混合版」、「宣傳《聲夢》同《聲生不息》太可恥」、「下年改個年份可以再重播」，狠批「仲衰過新城電台勁爆頒獎禮」﹗
《造星2》一直鬥 曾比特不敵MC
曾比特因參加《聲生不息》而在內地人氣急升，在《香港金曲頒獎典禮》連奪兩獎，憑《我不如》獲金曲獎外，更奪男新人金獎，而張天賦則屈居銀獎，銅獎得主是AnsonBean﹗網民對曾比特打低MC奪新人金的討論度極高，指二人由出道鬥到依家，同為《全民造星2》出道，曾比特入圍十強，但三甲不入，而MC奪銀﹗在《Chill Club》頒獎禮，MC打低ViuTV藝人Edan呂爵安奪男新人金，而曾比特全晚冇獎，空手而回，今次卻出奇反勝MC，惹起很大爭議「MC連Edan都贏埋，今次竟然輸比爆炸頭，奇恥大辱」﹗
網民一致投MC更值得拎新人金獎
網民在討論區公投曾比特定MC最值得攞新人金獎，網民指MC成年不斷有Hit歌，大家首首識，指曾比特「除咗《我不如》，一首曾比特嘅歌都諗唔起，《我不是丘比特》都係同JC合唱先好聽﹗》」以歌論歌，絕對是MC勝幾皮﹗講到唱功，大家就用《全民造星2》、《叱咤》及《Chill Club》頒獎禮作準則，指「論唱功同個樣，MC點會輸比曾比特？」，嘲諷「好在MC唔嚟，簡直係人生最大恥辱」。
曾比特一個原因反勝MC
網民公投下，張天賦MC完勝曾比特先值得攞新人金獎，有網民突破盲腸指曾比特因參加《聲生不息》而成功打入國內市場，所以有十幾億人口撐，是「中國區新人金獎」，而MC則是「香港新人金獎」﹗更指「曾比特都唔稀罕呢個細區獎啦，人哋強調微博有一百萬粉絲吖嘛﹗」、「爆炸頭喺大陸拍一個廣告，分分鐘多過MC一年收入啦」、「擺明係有政治取向㗎啦，點會有公平呀？」、「TVB係大陸台，點都係曾比特啦」、有網民反駁「4月截票，《聲生不息》都未播」有網民回覆「師兄你唔係信153同港台個李志剛講嘢呀？」總結曾比特一個原因就打低MC﹗
為何網民一致投MC更值得拎新人金獎?
網民在討論區公投曾比特定MC最值得攞新人金獎，網民指MC成年不斷有Hit歌，大家首首識，指曾比特「除咗…詳情請看
香港金曲頒獎典禮為何會被網民怒轟?
成個頒獎典禮都有TVB早前搞的《流行經典50年》的風格。勁多歌手都…詳情請看
