香港藝人森美於日本遭遇訂房風波流浪街頭尋找住宿

香港藝人森美與太太近日前往日本旅遊，卻在12日晚間遭遇了意想不到的困境。原本他們預訂並確認的大阪酒店，在他們抵達當天突然通知房間不再可用，這導致他們在當晚無處可住，不得不在街頭尋找其他酒店。

尋找落腳點困難

森美在社交媒體上分享了他們的經歷，他表示：「𠵱家夜晚10點幾，我喺條街度，原因係咩呢？原因就係呢，我就訂咗酒店啦，由京都返返嚟大阪，搭緊火車返返嚟大阪，下晝5點鐘收到Email，訂酒店嘅網站話畀我聽，我嗰間房冇咗喇。但我一個禮拜前就已經Confirm咗，同埋冇得Refund嘅，Confirm咗Booking，即係畀咗錢㗎喇。Confirm咗喇啵，但𠵱家呢，嚟到冇啦，經過兩個鐘頭嘅爭論之後呢，酒店就冇畀到我Booking。所以𠵱家夜晚10點鐘呢，我搵晒成個大阪都冇酒店，𠵱家喺街上挑戰人生。真係估都估唔到去日本旅行，大阪都嚟過好多次㗎喇，Shopping就試過，探險真係未試過啦。搵唔到啊，唯一搵到嘅酒店喺奈良，冇理由飛去奈良，究竟發生咩事呢？最後會點呢？今晚食完飯，10點喇，都係搵唔到酒店一晚，無論日本嘅網站，同埋上面嘅網站……唔知噏乜，都搵唔到酒店喇。𠵱家我……唔知，重點係我老婆都開始唔睬我喇。咁啊，希望今晚搵到地方瞓啦。」

終於找到住宿

經過一番努力，森美於當晚約11時終於找到了住宿地點。他在社交媒體上感謝了所有幫助他們的朋友：「感謝各方好友個個都搵朋友又或者自己找上門幫手結果真係有一個朋友雖然好耐冇見但係就係憑今次個經歷幫我喺網上面搵到一間不遠酒店！最後一間房下次book咗房真係要再自己send email去酒店confirm先至好出發網上網站，中介人信唔過我知你哋好想知係邊間……詳情留返節目講俾大家聽重點係人生好多艱難你係估唔到會發生去到最後都係要靠朋友多謝各位朋友感激每一個關心每一個電話每一個短訊好多人平時冇見冇傾但係都拔刀相助世界有愛感恩你們每一個人都很有愛！祝唔使7街瞓嘅朋友，早唞！多謝關心」