區瑞強與吳大強聯手開唱樂迷盛讚中西經典金曲演繹

圈中好友齊聚一堂支持

多位圈中好友包括樂易玲、龔嘉欣、譚凱琪、譚玉瑛、李有毅、陳圖安及新人範明熙(阿V)等均到場支持。Albert表示：「今次演唱會以半慈善形式舉行，推出優惠票價，希望讓更多喜歡音樂，但經濟上有困難嘅朋友可以入場一齊享受，亦非常感謝Bill哥哥答應做賓嘉，我一直都好欣賞佢，尤其係唱英文歌非常了得，而且原來佢玩樂器都有一手，今次仲身穿蘇格蘭裙吹口琴，更台上即時換衫，令演唱會增添唔少色彩。」

家庭成員同台獻技

區昕進為支持父親特別上台演出，而吳大強則充滿期待地說：「對於今次演唱會我都期待已久，今次玩啲新意思，台上換衫可以話係破天荒，剛剛我其實專登換慢啲，考下Albert口才同急才，果然難佢唔到！」

新人範明熙獲前輩提攜

Albert的世侄女阿V也來到現場支持，她表示：「Uncle Albert同 Uncle Bill兩位都係好好嘅前輩歌手，經常教導我唱歌同口才，而且歌唱及舞台經驗都非常豐富，所以今次特意送花，支持番佢地之餘，希望可以向兩位偷師。」Albert對此表示讚賞：「呢個世姪女唱歌非常好聽，而且謙虛受教，希望大家多多支持佢，俾多啲機會新人。」