香港資深演員顏國樑因肺炎離世享年71歲
廣告
香港資深演員顏國樑於昨晚（25日）因肺炎引致呼吸急促而離世，終年71歲。顏國樑早年曾患上第三期鱗狀細胞癌，這病症對他的聲帶造成了影響，使得他的說話聲音變得尖細，但他始終保持樂觀的態度。就在上月，他還和太太一同出現在無綫的節目中，展現出不屈不撓的精神。
好友悼念顏國樑
《東張西望》節目簡單回顧了顏國樑的生平，並邀請了他的好友鄧英敏和薛家燕透過電話訪問，分享他們對顏國樑的回憶和感受。鄧英敏和薛家燕的聲音都顯得沙啞，透露出失去好友的悲痛。「顏國樑是位好演員」，薛家燕在訪問中哽咽地說，「突然間今日接到呢個消息，我係覺得好……好突然㗎！因為我見到個幾禮拜前佢仲上梁思浩嘅節目，嗰陣時都幾精神下，我覺得佢係好堅強，同埋都好積極、好樂觀咁去面對嘅！佢仲成日提我，你要減肥啊，我就話嚇，點解要減咁多？佢話唔係啊，你背脊嗰個肌肉同同前面差唔多啊！」她表示對顏國樑的離去感到非常不捨。
顏國樑的醫療歷程
鄧英敏提到，顏國樑在生前曾經歷多年與癌症的抗爭，包括接受化療和昂貴的免疫治療。「佢喺禮拜一，即係20號，佢亦都因為呼吸急促呢，條氣好唔順啊，好難唞到氣，咁就入咗去QE（伊利沙伯醫院）。原本我係約咗個導演，我哋今晚就６點半鐘去QE度探佢，但係……好可惜，經過幾年同啲癌魔去作戰啊，中間呢啲過程都係好辛苦。他又做化療，佢又做啲好貴免疫治療，做一次都四、五萬，動輒都十幾萬。」
