36歲輕度智障女假借折扣價代購Mirror演唱會等票 涉款高達呢個數?
![香港法庭 一名36歲的女文員,因聲稱能以折扣價代購迪士尼年票和Mirror演唱會門票等商品,引誘買家匯款後便斷絕聯絡,導致160名受害者被騙,涉及金額接近95萬港元。(圖片來源:IG@mirror.weare)](https://imgs.orientalsunday.hk/wp-content/uploads/2023/11/img_4321_234000569655b5ae8babbb.jpg)
被告背景6歲被診斷為輕度智障 有過25項前科
陳家穎,現年36歲,曾於六歲時被診斷為輕度智障,並有過25項前科,其中包括八項欺詐罪。她於2022年5月至7月間,通過WhatsApp、Facebook群組及其他社交渠道,宣稱可以提供折扣價格購買迪士尼相關產品和演唱會門票。受害者根據她的指示進行轉賬後,便無法再與她取得聯繫。她在同年7月被捕。
辯護律師求情及法官判決
辯護律師提到,陳家穎的成長背景複雜,小時候因智力問題而就讀特殊學校,成年後因交友不慎而誤入歧途。在獄中,她接受了宗教輔導並有所反省。另提到其中一名買家損失最多逾5萬,此案件的受害者損失慘重。法官在判決時考慮到被告的背景和持續犯罪的嚴重性,原本設定的刑期為36個月,後因被告早期認罪而減至28個月。
網民回應:係咪勵志故事嚟
事後,不少網民亦紛紛回應,更認為搵代購買嘢真係要好小心,亦有人猜測可能還有幕後Boss未繩之於法:「俾佢呃嗰班」「係咪勵志故事嚟」「呢個係咪可以拍成電影」「天才定智障呀!!!我好亂呀!!」。
《東張》都報過訂演唱會門票騙案港姐冠軍都中招?
關注大大小小的騙案嘅TVB節目《東張西望》亦有報道過訂演唱會門票騙案嘅類似事件。香港甲組女子足球隊「247足球會」前高層周志業(Frankie)涉嫌訛稱可內部認購演唱會門票,最終超過100人向佢畀咗錢訂門票後拎唔到門票,涉款約600萬港元,最終涉以欺騙手段取得財產罪被捕。而港姐冠軍陳庭欣都試過「中招」!
陳庭欣接受訪問講咗受騙過程,佢解釋有時都會幫朋友買飛,「但我每次都同朋友講明我同Frankie呢個人都唔係好了解呀啫。不過我認識佢,曾經幫(托)佢買過,我都係有飛嘅!所以而家(受害人)我連埋我啲朋友加埋五個人左右啦,我哋買嘅飛嘅數量嘅錢可能係3萬幾4萬蚊囉總共。」最後騙徒沒有覆機,陳庭欣表示後來睇新聞先知道佢都被警察拘捕。