陳淑芬慶祝入行50週年 舉辦「星星相識50年」紀念展延期至7月
廣告
金牌經理人兼製作人陳淑芬（陳太）近日接受新城知訊台節目《原來生活好快樂》的訪問，分享了她與香港樂壇巨星如張國榮、梅艷芳及張學友等人的合作經歷。陳太在演藝界的豐富經驗，見證了香港演藝界的發展和變遷。
紀念展延期舉行
為慶祝自己的演藝生涯50週年，陳太在澳門倫敦人綜藝館舉辦了「陳淑芬．星星相識50年．紀念展」。原定於3月20日至5月19日的展期因反應熱烈而延期，最終決定延長至7月28日。「今次真係終極一次，希望大家把握最後機會嚟睇。」
展覽內容豐富
陳太形容這個紀念展是香港樂壇的歷史見證，展出了她參與製作的大型演出項目和半世紀以來的香港流行音樂文化。展品中，有一半是張國榮的物品。「哥哥喺我心目中同演藝生涯佔好重位置，我同佢識於微時，好似一個戰友咁，展覽有個張國榮專區，好多謝唐鶴德先生借咗好多哥哥珍藏、服飾，仲有哥哥喺樂壇、影壇攞過嘅獎項。」
與藝人情如家人
陳太與哥哥及其他藝人的關係密切，她誠摯地付出，讓她與藝人間的關係更像家人。「哥哥成日講，除咗我唔係姓張，佢唔係姓陳，其實我真係好似佢家姐，我都當佢係細佬，其他藝人做訪問都有講，原來佢哋都當我係屋企人，我知道之後覺得好欣慰。」
合作巨星經驗
陳太分享了與多位天王巨星的合作經驗，她認為他們共同的特點是勤力和堅持自己的理想。「係兩樣嘢，難服侍同要求高係分開，哥哥都算係追求完美嘅人，有啲人要求高，但又難為到身邊人同自己，佢嘅要求有機會脫離現實，但呢個係冇錯嘅，冇呢啲要求，又push唔到身邊人去做，最重要係體諒同包容，你對自己要求高OK，但唔可以諗到天馬行空迫人去做，又不顧安全問題，咁又唔可以。」
