【香港小姐2020】賴琦媛、候嘉欣、張盈悅齊齊被踢出局流淚道別 12強佳麗誕生！｜頭號粉絲
賴琦媛衰寸嘴叼煙被foul
經過連日的網上投票，《香港小姐2020》今日再篩走三名佳麗，十二強佳麗誕生，而被指是大熱之選的賴琦媛Ivy，未知是否受參選以來先曾捲入整容風波，問答環節中又表現寸嘴，而有寸嘴Ivy之稱號，及後被影到扯煙後把煙頭隨街掉，回應時表示：「只是一時受不到朋友引誘」來否認是長期煙民，被指吸煙手勢純熟，又以「唔可以用手勢純熟來定斷煙齡長」一再否認長期食煙，有指因寸嘴本色貫徹始終，食煙影響形象而被foul。而另一被foul走的是兩星期前才加入的海外佳麗張盈悅Joyce，首次登場已被網民指身高太矮，寒背、走路姿勢差、似遊魂等，故被篩走也不無道理。
黑馬候嘉欣出局個個變喊包
被指愈戰愈勇的候嘉欣，連司儀陸浩明都大讚佢進步神速，點名睇好佢，不過卻未能晉級，在揭曉賽果前，候嘉欣已相當激動，口震震眼紅紅表示不枉參加港姐選舉，當只剩她和謝恩寧二分一晉級機會，問到她會想邊個晉級，她激動表示：「我想大家都可以一齊晉級。」雖然最後落敗，但跟謝恩寧互相擁抱鼓勵，亦獲得其他佳麗安慰，而不少佳麗聽到候嘉欣未能晉級都表現傷心，個個變喊包，影大合照時還未能平靜心情，司儀陸號話畀五秒時間大家冷靜一下，可見候嘉欣和一班佳麗當中已贏得友誼。
DO姐和農夫齊考準港姐 背電話號碼同餐牌?!
一眾港姐於日前就接受鄭裕玲及農夫的考驗，大玩《港姐有問題》，節目首項環節是要考驗港姐們的記憶力，讓她們分成5組，背出唐詩、莎士比亞名詩、穴位表及藥膳食譜、茶餐廳餐單同電話簿，一眾網友聽後都大感疑惑和替一眾港姐感不值，全因不知背茶餐廳餐單同電話簿與選港姐有甚麼關係。
Do姐點名講Lisa
今年因疫情關係港姐所有進程都改喺網上舉行，早前十五位佳麗為《港姐有問題》錄影，睇個名都知又係Do姐鄭裕玲同農夫主持啦，佢哋要接受Do姐嘅智力大考驗，事前仲收到一本天書，要佢哋返屋企溫書做功課，錄影完節目，Do姐就大讚佳麗表現非常出色，事關有好多佳麗都喺外國長大，連睇題目都好困難，今次除咗考天文、地理、歷史，就連電視城餐廳個餐牌都要背熟，認真玩嘢!嗰日Do姐雖然話為咗公平唔公開點名講睇好邊位佳麗，但佢就話由蘇格蘭返港參選嘅Lisa謝嘉怡畀佢印象好深刻，咁咪即係間接點咗名囉!
