林奕匡太太經歷驚險分娩囝囝Darrien順利誕生
緊急開刀決定
由於Rikko原本計劃順產，但在醫院待了超過十小時後開始發燒，且胎兒心跳加速，最終不得不緊急進行剖腹產。Rikko坦言自己非常疲憊且擔心：「我好驚瞓著，瞓咗就見唔到BB，甚至瞓咗以後都唔醒。」Phil也感到非常焦慮，他表示：「我差唔多全程都陪住Rikko，希望俾多啲support佢，同埋分散佢嘅痛楚感覺，但睇住Rikko體溫不斷上升，BB心跳又不斷上升，都愈嚟愈擔心。」當Rikko被推進手術室，Phil在外面辦理手續後也進入手術室，他回憶道：「當時我望住醫生俾我嗰一張開刀手術嘅風險資料，我突然好驚，人生從來冇試過咁驚，好驚Rikko同BB會有事，但係我知道我入到去，我一定唔可以俾Rikko feel到我驚，我要distract佢，於是我整定個playlist，全部都係我最柔和嘅歌曲俾佢聽。」
囝囝Darrien名字含義
Phil為囝囝取了英文名Darrien，意味著「Gift（恩賜）」、「Rich（豐盛）」及「Kindly（仁慈）」，但暫時未有中文名。Phil解釋說：「Darrien呢個名係對囝囝嘅祝福同期望。其實都考慮咗好耐，想改一個『D』字頭嘅名，因為Rikko 嘅『R』 同 Phil 嘅『 P』都有個『D』字喺裡面。之前上網search，參考過過千個名都唔合心水，最後係自己諗出嚟，又幾好聽，上網check完，原來個名嘅意思又咁好，就確定用呢個啦！」
準備迎接新生命
Phil表示，由於Rikko選擇順產，所以囝囝的出生時間難以預知。早前他前往澳門演出時，也擔心會錯過囝囝的誕生。他說：「所以我離港之前幾日，日日都同BB講，要等埋我返嚟先出世呀！結果BB好乖，真係等埋我！」談到育兒計劃，Phil透露他們已經在心態上做好準備，並安排了BB用品、衣服、傢俬等，也學習了餵母乳及照顧BB的技巧。他們現階段正開始了解BB未來的教育基金、健康保險及醫療保障等事宜。Phil坦言：「現今世代要好好養育一個小朋友絕不容易，所以要深思熟慮好好地安排。」
