羅毓儀在演藝路上自信與探索：從音樂到戲劇多面發展

羅毓儀，一位28歲的全能藝人，今日於新城電台的《原來生活好快樂》節目中，與主持人麥卓華進行了一次深入的對話。從小對音樂和表演就有著濃厚的熱情的她，被問及更愛音樂還是演戲時，她坦言：「好難答，演戲我係手到拿來，但唱歌經驗尚淺，所以都幾有壓力。」最近，Yuki推出了新歌《日落時》，透過歌詞表達了成長過程中不斷面對變化的心情，她希望大家能以積極的態度面對變化，珍惜當下。「我嘅NBTI 16型人格係I行先，獨處時可以好自己，同時又係好慢熱內向，初入行時一入到化粧間就心跳好快，個心好亂，用咗兩、三年時間先開始習慣。」

多面向發展，羅毓儀戲劇之路

在處境劇《愛．回家之開心速遞》中，羅毓儀飾演的「路小小」一角深受觀眾討論，她分享了自己對這個角色的喜愛：「呢個角色好得意，我好鍾意睇討論區啲人講咩，前期啲人唔鍾意我呢個角色，覺得佢搞呢搞路，又拜金又港女，但慢慢都有啲正評，覺得衰得嚟又搞笑，一睇呢啲回應就好有成功感，所以都幾開心。」在另一劇集《神耆小子》中，她則挑戰了與資深演員鄭則仕對戲的機會，她表示在資深演員面前絲毫不感到怯場，反而從中學習到許多：「我哋成套劇演員好似一家人咁，拍得好開心。（鄭則仕對你哋會唔會好惡？）佢對演戲好有要求，見我哋做得唔好佢會有少少火，但都冇乜嘢，同埋佢唔介意演員NG，佢話冇演員係唔NG，派咗定心丸畀我哋，唔會覺得NG有好大影響。」