吳幸美憶述父親逝世經歷：信仰帶來慰藉與力量

香港著名節目主持吳幸美（Amy）近日在新城電台節目《詩歌有Guide》中，分享了她的家庭背景和個人經歷。Amy來自一個小康家庭，作為家中唯一的女兒，父母對她的期望和關注都非常高。她的童年充滿了藝術活動，如繪畫、書法、話劇和朗誦比賽，並屢獲殊榮。「我讀書一般，但收埋好多把刀，周身刀！」Amy笑著說。

信仰的力量

在節目中，Amy特別提到了一首對她意義重大的詩歌《主你慈愛何等寶貴》。她回憶說：「爸爸媽媽都係基督家庭長大，我爸爸一直有返教會，但未洗禮，到佢差不多離開上天堂時，佢就有臨終洗禮，之後我同媽媽都相繼跟佢信主。」這首詩歌在她父親住院期間經常被播放，幫助舒緩了他的痛苦。「神好偉大，令到爸爸一路聽詩歌時好舒服，舒緩咗佢嘅疾病，我每次聽到呢隻歌，都會諗番起同爸爸呢段時間，係好難過，但又係人生一個經歷，所以一聽到呢隻歌就會有啲感觸。」

面對父親病重的挑戰

當得知父親患病的消息，Amy感到如晴天霹靂，當時她正忙於主持《東張西望》和另一節目的拍攝。「我媽咪年紀大，佢未必知道情況係點樣，得我一個去解決問題，例如點樣醫治、需唔需要做手術，壓力非常之大，嗰段時間個人情緒好緊張，係人生裡面最難捱，做呢行當然唔可以對住人哋哭哭啼啼，永遠要笑臉迎人，但當時屋企情況，我其實好辛苦、好難過。」在那段艱難的日子裡，Amy只能透過祈禱來尋求安慰。「我同神祈禱，我話『神呀，我爸爸喺醫院，情況亦唔樂觀，我唔知邊一刻佢會突然走，求你畀我同媽咪可以陪住佢，拖住佢隻手送佢上天堂』；我爸爸走嗰日，我同我媽媽去探佢，探完佢諗住去食嘢散嚇心，本來陽光普照，一行出醫院就傾盆大雨，之後收到醫院電話話爸爸情況唔樂觀，我同媽咪上到去時，院牧已經企咗喺爸爸身邊，我睇住爸爸嘅心跳機慢慢跌到零，知道佢走咗，我同媽咪一人一邊拖住爸爸隻手，同佢講阿爸你走啦，你上天堂，唔需要擔心，我哋天家再見。」