勇者親試文苑飯莊馬田食評真相大白 千8埋單食足8道餸彈多過讚

網民好奇心驅使親身試伏文苑飯莊 預訂已開始混亂

有網民在Facebook群組「香港茶餐廳及美食關注組」指，近日文苑風波十分熾熱，在好奇心驅使下及想知道「馬田講得啱定係抹黑？！定係其他foodie & 志雲晴朗的一天搵笨」，因此使出真金白銀親身到文苑飯莊一試究竟。該網民指可能是近日風波，幫文苑做了不少宣傳，所以在到場後見到十分旺場，坐足七八成滿，但是接待處兩位職員卻指未有網民的訂座紀錄，不斷問「咩名留咩名幾號電話、搵嚟搵去都搵唔到」，而風波中的CK Poon總監亦在場，但網民轟該總監「好似乜嘢都唔知咁」，最後更被隨便帶入一間房，並要與其他客人共享一間，隨即網民就指點菜時，「竟然招牌菜樣樣都話冇，咁唯有焗住點其他」，下方即睇網民點的8道餸菜！

1.老火湯

網民指老火湯的味道頗淡，沒有味道兼很「水」，湯渣只有兩三塊肥豬肉。

2.陳皮欖角脆鱔球

網民說以為這道菜是肯德基家鄉雞，「原來係脆鱔球，真係好脆，但係冇乜鳝嘅感覺同味道」。

3.遠年陳皮一口脆腩

這一道網民就以為是一道炸雞。

4. 古法胡椒柱候牛尾

與網民一同試伏的朋友就指，「好唔得、好鞋」，更說自己煮得更好食。

5.胡椒青花椒生煎雞（半隻）

網民認為這碟生煎雞怎麼看也沒有半隻，認為只是例牌份量，卻收了半隻價錢，又指8道餸裡，這碟未算很好吃，但是吃得最多。

6.啫啫唐生菜

唐生菜被網民指沒有甚麼特別，深水埗的大排檔一定比它更好食。

7.文苑飯莊小炒王

小炒王雖然冠上了飯莊的名字，但網民認為水準一般，唯一優點是蝦夠大隻。

8. 綠豆沙

該網民的朋友叫了一碗綠豆沙，吃了未夠一半就停手了。

網民食$1,808被提前趕走 轟文苑：冇一個位平反到

吃完8道餸菜，網民指本身很肚餓，也吃剩了很多，認為文苑雖然不算難食，但也未算很好吃，更指「唔會好興奮咁同人推薦去」，而唯一不停食的是前菜——花生和魚干醬。而網民在未夠10點，就被侍應稱就快收工，要求他們離開，但是從網民的預約紀錄可看出，飯莊的營業時間是十點半，該網民指出在離開時，一出房間卻看到還有數枱客人在品嚐紅酒，最終就以$1,808結帳離開。

整晚體驗而言，試伏網民認為「有啲差」，因為埋單的價錢，應該配上很好的體驗，更指「本身想為你平反，但係冇一個位可以平反到」，並且以為經過馬田的指責，食物及服務會更好，「原來唔係嘅 ，欣賞你好有自己風格 ！」文末更指「而家咁嘅經濟，咁樣嘅方式做生意 ，尤其是飲食業，真係唔知佢捱到幾耐，可能佢開襠嘢嚟唔係志在搵錢」。

Matt Leung神回覆 網民大讚勇者：有冇事先通知？

事件再度引起網民熱議，就連網紅Matt Leung都回應「公道講真係咁差？睇落樣樣都幾好，除咗啲食物」不過Matt哥未知是否今次用錯了繁體字，事後已刪除留言。而此事都引起網民留言大讚事主勇者，十分佩服仍親身試伏「出事之後仲要親身事發，犧牲精神令我敬佩」「啲餸賣相都幾肉酸」、「呢間食過1次真係有nike價錢波鞋，converse 鞋底感覺」、「用凍肉舖冰豬腩肉煲湯第一次見，究竟想賺幾多先夠」，更有不少網民嘲諷早前風波不斷的總監CK Poon，「總監見到依個post又發爛渣上晴朗要人圍爐架啦」、「又無同總監報定案唔係foodie又唔係media，無特別為你準備啲野梗係唔得啦」。