風雲︳馬榮成親自披露《風雲3》傳聞繼續有鄭伊健、郭富城！

由香港漫畫家馬榮成編繪的武俠漫畫《風雲》，由1989年連載至2015年完結，共3部。《風雲》當年風靡全港，1998年改編為電影、2002年、2004再拍成電視劇，2009年《風雲II》，由郭富城、鄭伊健、任達華、蔡卓妍、謝霆鋒飾演。近日漫畫家馬榮成去咗文雋YouTube「文雋講呢啲講嗰啲 Man’s Talk 」，分享入行經歷，以及講到《風雲3》終於開拍？！

風雲3 馬榮成文雋《第178集》請嚟《風雲》馬榮成 — 文雋《第178集》請嚟《風雲》馬榮成（圖片來源：youtube＠文雋講呢啲講嗰啲 Man’s Talk）

風雲︳《風雲3》鄭伊健、郭富城繼續做聶風同步驚雲

早前古天樂公布其公司天下一製作的多齣新作，其中一部就係《風雲3》，暫定9月開拍。馬榮成喺文雋YouTube《第180集》中都提到《風雲3》，原來授權期已經過咗，因為剛好撞正疫情，而家仲係策劃階段，但今次最大驚喜係馬榮成會做埋導演，因為古生認為馬榮成係原作者，會更加了解故事走向。選角方面，馬榮成傾向繼續用返鄭伊健、郭富城飾聶風同步驚雲，雖然2人都已經年過50，但佢認為《風雲》都有好成熟的時期。古生的角色方面，古生就表示佢無咩所謂，甚至叫佢做「歹角」都ok，睇嚟有機會會做《風雲》入面最強反派釋天！

風雲3 馬榮成 — （圖片來源：youtube＠文雋講呢啲講嗰啲 Man’s Talk）

風雲3 馬榮成《風雲3》預告圖？！ — 《風雲3》預告圖？！（圖片來源：《風雲》）

網民：古生做帝釋天啦

網民對於《風雲3》今次的開拍都有唔少討論「好期待呀，第一集睇完好似古惑仔古裝版咁！」「第一集最好，希望第3集更好，由馬sir做返導演」「古生太似呂布」「古天樂似絕無神，或者絕心，或者懷滅」「古生是斷浪」「古生做帝釋天」

期待《風雲3》！

風雲︳馬榮成都試過被公司炒魷六百萬年薪合約係真

馬榮成喺文雋的訪問中都分享入行經歷，十幾歲開始寫稿，一開始被《連環圖日報》炒咗，全因稿費太高！後來為「上官小威」畫《五兄弟》、漫畫《風流》，再畫一些Q版漫畫賺稿費。馬榮成表示自己一開始的畫並唔賣得，只係比較出名畫得比較精細、認真。後來馬榮成再去幫黃玉郎畫畫，改變自己一生，簽下合約，開始畫《中華英雄》。後來漸漸成功後，獲得黃玉郎賞識開出六百萬年薪合約，但馬榮成唔敢簽，因為合約原來好多唔公平的條款，而且馬榮成已經唔想再做落去。