從工程師到音樂人：Anson Hon音樂之路及首支單曲《歌地亞》

韓照昌（Anson Hon），一位曾經的sales engineer及電機冷氣行業從業員，自小對音樂抱有無比熱情。雖然初期因父親的反對而一度放棄，但最終在父親的影響下重新回歸音樂行業，轉職成為唱歌老師。「因為爸爸嘅過身，佢成日提我做邊行都好，要令自己開心同埋喺工作上有使命感。細個時佢對我鍾意玩音樂呢件事好反感，加上佢覺得我係一個三分鐘熱度嘅人，但到最尾同佢傾偈嘅一次，佢知道我對音樂係執著同認真。然後問我幾時會有自己嘅歌，佢話好想聽到。所以我就揀咗歌唱老師呢一個行業做我嘅踏腳石。因為我知道做音樂基本上唔會有錢賺，甚至連生活都困難。所以我選擇音樂裏面最保障嘅工作就係教學。嗰刻我會深信我係可以慢慢從歌唱老師行到幕前。」

網絡熱爆翻唱之旅

Anson在閒暇之餘經常翻唱流行歌曲，他的《聖鬥士星矢》翻唱在IG上獲得了七十萬的點擊率，這讓他意識到展示自己的演唱能力是成為一名優秀唱歌老師的直接方式。他的學生中包括女團EOS的Hazelle和乙女新夢的AI Candy。「佢哋成日同我講，不如出一首自己嘅歌，所以我就寫咗呢首《歌地亞》。」

為音樂視頻瘦身17磅

為了拍攝《歌地亞》的音樂視頻，Anson在前二十日開始了嚴格的減肥計劃。「我戒晒所有澱粉質同埋糖，每日食雞胸、三文魚、烚菜、雞蛋，每日四點打後唔食嘢。」這種極端的飲食讓他一度感到頭暈，「其實初頭每日都係一個唔清醒嘅狀態，血糖又低。有一次教學生唱歌嘅時候真係差啲暈喺個鋼琴隔籬。」最終他成功減去了十七磅。

音樂夢想與現實平衡

儘管年底發行單曲對新人來說並不理想，Anson對於獎項並不執著。「我鍾意音樂，我係想做一啲好嘅作品出嚟同大家分享，獎項其實好隨緣。而且選擇出個人單曲呢件事我真係思考咗好耐，畢竟自己唔後生。同埋好多鍾意聽我唱歌嘅人都喺呢大半年不停鼓勵我出自己嘅歌，所以八月我先開始決定真係做呢首歌，從音樂錄製到拍MV用咗兩個月嘅時間，原來就已經到咗年尾。」