陳奐仁慶祝音樂生涯15週年 舉辦《Raw Jazz》爵士音樂會

音樂夢想起點

陳奐仁回顧他的音樂旅程，他於2009年推出首張《Raw Jazz》爵士專輯時遇到了不少挑戰。「一開頭唔係想做Jazz，我想做搖滾明星，去酒吧唱搖滾歌，參加搖滾比賽，攞晒啲獎，覺得自己應該有機會啦，又唱得又彈得，點知唱片公司個個都話我唔睇得，個樣同音樂好唔夾，所以嗰時搵唔到人出碟，我一句粗口，咪自己出囉，後來出錢搵朋友幫手出咗隻碟。」

音樂與影視跨界成功

陳奐仁的音樂生涯雖然起伏不定，但他始終沒有放棄。他分享道：「Jazz碟比較冷門，賣唔好冇人怪你，好彩隻碟成績都唔錯，跟住再做其他流行碟，又開紅館騷，我又淆底，問主辦單位有咩可以再好啲，佢話『你可以紅啲』，後尾為咗想紅啲就去咗拍劇，拍完劇入咗屋就紅咗啲。」他透露，當時在街上會有不少途人跟他打招呼，去街市買菜也會得到不少贈品。「幾好呀，好似我偶像周潤發話齋，佢話佢有七百萬個親戚。」

堅持音樂夢想理想生活

儘管陳奐仁已在音樂和影視界取得了一定的成就，他仍然堅持自己的音樂夢想。「我諗我唔夠貪錢，又好固執，想追個夢，我冇黃貫中咁靚仔，不過經歷咗咁多嘢都開心，拍戲有獎嘅，又喺香港搵到一個舒適嘅生活，有七百萬個親戚，所以人生好理想。」