對視兩秒都出事！ 票選十大全球最有魅力男明星
撰文：阿喵 ｜ 圖片：Instagram、劇照、Pinterest｜編輯：Easy｜資料來源：Brightside
網民票選十大「全球最有魅力男明星」
第十位：Michael B. Jordan
講到Michael B. Jordan你又知唔知佢係邊個呢？但一講他是在《黑豹》大反派 – Killmonger（齊爾蒙格），大家一定知道，而《黑豹》也是令Michael全球爆紅，更稱他為最性感的反派！
他身材壯碩，肌肉又結實，相信都是吸引大批fans的原因！
第九位：Çagatay Ulusoy
Çagatay Ulusoy是來自土耳其，個樣咁靚仔就知又拍戲又做Model啦！原來Çagatay本來沒有想過當娛樂圈的，因為他非常熱愛籃球，想成為他的事業，但他的朋友就叫佢去上表演課，上上下就成為了一位土耳其最受歡迎的演員之一。
Çagatay有一套好出名的愛情片《有毒蜂蜜》（Delibal），女嘅咪睇下𥄫下仔，仔咪學下人點媾女喇！
第八位：Henry Cavill
Henry Cavill是新一代的超人，雖然來自英國的Henry又靚仔又識多國語言，但在荷里活的世界並沒有活得很好，經常試鏡失敗，又做不了主角位置，直到成為「超人」前都是被譽為「荷里活運氣最差的男人」！
不過操英國口音，樣子又性感，有網民的支持，相信他都非常開心。
第七位：William Levy
如果你有留意開啲靚仔排行榜，對William Levy一定不陌生，因為古巴裔美國演員William是出現在這些的名單，而且他曾是百大靚仔的第五名，咁又難怪嘅，佢輪廓深邃，樣子又帶啲憂鬱，引死女！
William曾經演過《惡靈古堡：最終章》！
第六位：Toni Mahfud
今年才24歲的Toni Mahfud，是一位擁有敘利亞血統的攝影師、德國繪畫師兼Model，他就是那些「明明可以靠顏值，卻非要靠才華」，你說上天公平嗎？
Toni同時是一位網絡紅人，經常都會在社交軟體上發表他的作品，鍾意嘅就快啲follow啦～
第五位：Marlon Teixeira
來自巴西的Marlon Teixeira是一個多國混血兒，一半葡萄牙血统、1/4印第安血统，還有1/4日本血统，不做超模真的很浪費，而且他經常出現在男模吸金榜中，可見品牌多麼的喜歡他！
說到為什麼Marlon會入行，竟然是他的祖母介紹的，如果冇佢祖母可能就冇機會見到個咁靚仔嘅人。
第四位：Maxi Iglesias
擁有一雙迷人藍眼睛的Maxi Iglesias成為演員之前是一位DJ，在行內都非常受歡迎，直到他參與西班牙青春影集《Fisica o Quimica》便讓他變得更有名。
Maxi曾在採訪中透露，他非常希望與他的偶像Javier Bardem一起拍電影。
第三位：Jamie Dornan
相信一眾女性都唔會對來自愛爾蘭Jamie Dornan陌生，皆因Jamie是《格雷的五十道陰影》的男主角，同時此角令他在全球爆紅，很多女生都想成為劇中女主角。
但可惜的是，Jamie現實已經結婚了，而且有一個非常可愛的囡囡，你哋班女唔好再FF喇，放過人啦！
第二位：Zayn Malik
Zayn Malik是英國團體One Direction的前成員，擁有巴基斯坦血統的Zayn在團中一向都是最靚仔那位。退團後，他繼續做歌手，並追隨自己所想的音樂方向，與不同歌手合作。
他與名模Gigi Hadid的戀情最為人所知。
第一位：金泰亨
韓國男團BTS防彈少年團因《I NEED U》一曲爆紅至全球，而團中目前人氣最高又曾是2017年百大靚仔第一的金泰亨今次又成為網民的「全球最有魅力男明星」第一！
乜韓星唔係MK妹妹先鍾意，𠵱家更型出韓國，直捲全球？果然韓風是不能忽視！大家又點睇個排行榜呀？！
