《看我今天怎麽說》於倫敦影展首映 獲金馬獎三項提名

電影獲金馬獎多項提名

《看我今天怎麽說》早前獲宣布入圍第61屆台灣金馬獎三大獎項，包括遊學修及鍾雪瑩分別獲提名影帝影后，以及最佳音效。黃修平表示：「可以將香港嘅故事帶到去畀全世界，而電影更得到國際上非常之受認可，好高水準嘅BFI London Film Festival嘅青睞，邀請我哋作世界首映，係相當之榮幸。」這次活動不僅是電影的展示，也是與倫敦的香港朋友重聚的機會。

主演遊學修手語挑戰

黃修平透露，選擇遊學修演繹聾人角色子信是因為他的才華和個人特質與角色非常吻合。他說：「遊學修作為一個健聽人，要演出聾人角色其實係一個好大挑戰，我對佢嘅才華非常有信心，加上佢嘅個人經歷、性格等都跟子信角色好吻合。開拍前我哋非常之嚴謹同不留情地，去請老師訓練遊學修嘅手語。喺唔同情境下有唔同嘅手語表達，佢同聾人朋友，佢同屋企人打手語嘅style都係唔同，而佢係好認真地去做呢件事，最後做到出嚟嘅效果非常好，佢獲得金馬獎嘅最佳男主角提名，係對佢努力同才華嘅一個肯定，非常之恭喜佢。」

選擇聾人演聾人角色

對於另一主角的選擇，黃修平堅持由聾人演出聾人角色。他介紹了吳祉昊（Marco）的選角過程：「喺一早嘅時候，我已經決定聾人角色一定要由聾人演出，最後聾人手語老師介紹之下揾到Marco(吳祉昊)，我覺得佢嘅本身性格，形象，同埋佢對演戲嘅熱誠，縱使佢係素人，好適合做Alan呢個角色。」電影中的細膩音效和無聲場面也讓觀眾感受到深刻的共鳴，影展特別安排了手語翻譯員，讓聾人觀眾也能與創作團隊進行交流。