今期必睇電影推介：從科幻恐怖到喜劇佳作多元化選擇滿足各類影迷

科幻恐怖片《異形：羅穆盧斯》

一群年輕太空殖民者在廢棄的太空站拾荒時，驚遇宇宙中最可怕的生命體，其中異形幼蟲「抱面體」橫行無忌寄生人體，成形後的異形大開殺戒，危難中考驗一眾年輕太空殖民者的關係及男女主角Andy與Rain的感情，讓觀眾體驗真正的科幻恐怖。「《異形》嗰種核突式恐怖返晒嚟，睇完條頸好攰，因為係咁想閃開啲異形。」

喜劇片《鬼才之道》

做人好鬼難？做鬼更加難！劇情從沒落的都市猛鬼傳說「旺來大飯店」414號房展開，過氣星級厲鬼凱薩琳與衰鬼經理人兜哥為了不被世人遺忘，得使出渾身解數維持曝光率、刷新嚇人指數，以力保廣傳陽間的恐怖排名，卻殺出憑網絡驚嚇新招極速上位的新世代女鬼潔西卡搶盡鋒頭！而陰聲細氣、完全躺平的廢青爛鬼女同學，毫無鬥心又欠缺嚇破膽必殺技，憑甚麼爭奪靈界第36屆金鬼獎最爆鬼天后？鬼的才華與「生存」之道，只有鬼才知道！「用鬼比喻人間爭流量嘅眾生相，角度有趣好玩。呢一兩年台片有太多王淨，但可以再多啲」

動作喜劇《老嘢時速》

攞咗長者咭，人生就再冇希望？《老嘢時速》(Thelma) 話你知，高齡93依然可以活得⋯異常咁精彩！向來精叻嘅花媽婆婆，一日收到詐騙電話：為救乖孫先付一萬美元。俾咗「贖金」後方知被搵笨，越諗越唔忿氣，決定親自出馬追數追到天腳底，深入虎穴過程又驚又喜，仲有無限窩心時刻。故事根據編導Josh Margolin祖母真實經歷改編，絕對原汁原味，拍成呢個暑假最與眾不同嘅「動作」喜劇。「比起咩「提子」，呢套更加SELL到反電騙啦。典型用老人做後生嘢撞出火花嘅喜劇，老友記唔多睇西片，但呢套真係可以帶埋家中長老睇。睇住JUNE SQUIBB，諗緊羅蘭姐波姐拍呢套戲會係點。」