陳慧嫻加盟英皇後首發新單曲《給親愛親愛》分享音樂背後深刻情感

陳慧嫻（Priscilla）於今日（27日）發布了全新單曲《給親愛的親愛》，這首歌不僅標誌著她加盟英皇娛樂後的首次作品，也是她經過一段時間未發表新歌後的重磅回歸。「呢首係我加盟新公司英皇娛樂嘅第一首歌，再加上我好耐都冇出新歌，所以想藉住呢一首歌同親愛嘅觀眾、親愛嘅粉絲講聲Hello。簡單嘅一句『親愛的你好嗎』嘅問候，承載住我對你哋嘅思念同埋祝福，希望你哋能夠感受到呢一份真摯嘅情感，無論大家身處邊一度，都有我嘅音樂陪伴住你哋。」陳慧嫻在歌曲中表達了對遠方親友的思念和祝福。

歌曲背後靈感與情感

陳慧嫻透露，選擇這首歌的主題是因為近年來經歷了許多人生的聚散離別，無論是因為移民、工作還是家庭原因，都讓曾經親密的朋友變得疏遠。「其實好多時候都會耐唔耐諗起大家，但硬係抽唔到個時間去見面，我希望可以喺呢一首歌裏面表達到呢種思念同埋祝福。」她特別提到一句歌詞「人生如風似煙 領悟人生後 初見面」，這句話深刻反映了人生的無常和成長後的感悟。「我哋都後生過，個時可能會比較自我中心、驕傲、自私少少，唔識得易地而處，但當經歷多咗、大個咗，我哋睇番轉頭，就會覺得後生嘅時候原來係咁幼稚。大家再見返嘅時候，都發覺大家都變好咗。同埋我覺得呢一句歌詞亦都係令到人好感受到人生嘅變幻無常，當我哋真正理解人生嘅本質之後，或者我哋能夠更加珍惜咁去看待生命中每一次嘅相遇同埋離別。」

錄音趣事與未來計劃

在談到錄音的趣事時，陳慧嫻分享了一個有趣的小插曲，她在錄音室的廁所發現了一塊「Yes No」決策板，這成了她做錄音決策的小幫手。「每一次去洗手間我都會忍唔住攞嚟玩嚇。好多時錄到咁上下去廁所，我咪信吖嘛，我就會問嚇塊板究竟我頭先嗰個Take得唔得？如果最後粒珠仔走落去YES嗰度，我就覺得一定得！出到去就算舒文叫我再錄，我都唔會再錄㗎啦，哈哈；但係如果粒珠去到No，咁就算舒文覺得係OK我都會話：『俾多次機會我啦……』我會喺度磨爛蓆，哈哈；如果粒珠去到中間，咁冇得揀，出到去等舒文決定使唔使再嚟過。」此外，陳慧嫻還透露正在積極籌備明年的演唱會，期待與樂迷分享更多音樂。「我正在全力籌備我嘅40週年紅館演唱會！期待同大家可以一齊再分享我嘅音樂，好似我嘅新歌裏面有一句歌詞『努力排練 若然一日能遇見』，我哋好快會見㗎啦！哈哈。」