陳慧嫻紅館40週年個唱盛大啟幕邀請新生代嘉賓共襄盛舉

星光熠熠嘉賓陣容

陳慧嫻表示，她非常期待這次的演唱會，並已邀請了多位業界好友參與。「軒仔成日話由細聽我D歌，又話好想嚟我演唱會唱，我都好希望佢嚟囉，我又想Twins一齊嚟玩跳舞街，重有Aga江海迦作咗首新歌比我，我都好想同佢一齊玩。」此外，她也希望能邀請新一代的藝人，如魏浚笙，「魏浚笙我覺得佢好靚仔呀，哈哈，唔知可唔可以邀請佢呢。」

「花」主題象徵音樂生涯

陳慧嫻的這次演唱會以「花」為主題，象徵她音樂生涯的各個階段，從初開到盛放。「以前演唱會，好多唔同造型我都試過，今次好想做返一個純綷嘅自己，音樂部份樂隊陣容強勁，仲會有弦樂合奏。我覺得我嘅事業都好似一次又一次嘅花期一樣，縱使每一次去到花期完結，大家覺得我好似會消失，其實我只係自己匿埋咗好好準備自己，等待下一次嘅花期出現。其實每一個人嘅人生都好似花期一樣，總會有高有低，但我非常幸運，因為fans總會好有耐性咁期待住我每一個花期嘅出現。」

挑戰極限全新舞台設計

這次演唱會將採用四面台的設計，讓觀眾與舞台的距離更近。「可以講少少，會有一part好特別，我同3個自己跳舞，但要賣嚇關子，哈哈，到時入場先知係點樣同3個自己跳舞。啲衫設計中，據知都有啲係好重好大件，設計師Kenneth又要我露肉(笑)，所以唔單止減肥，重要鍛鍊自己肌肉承托力。我最希望可以減20磅啦，哈哈。聽日開始閉關跟營養師減，狂做運動咁囉，今次會跳好多舞呀，有part 十幾分鐘medley，簡直係挑戰人生極限。」