陳展鵬淘寶買車胎貨不對辦微博發文呻慘 引起內地網民熱烈評論｜頭號粉絲
撰文：東方新地｜圖片：東方新地、陳展鵬微博、新傳媒圖片、instagram｜編輯：八卦妹
陳展鵬淘寶買車胎瀨晒嘢
近年網購盛行，相信唔少人都有過在淘寶購物經驗，但估唔到，視帝陳展鵬都鍾意買淘寶貨。日前，煎 Pang就在微博炮轟，指在淘寶買了一款價錢由人民幣1000起的車胎，卻貨不對辦。他留言說：「被騙的感覺很差很差，想不到現時在內地淘寶買貨都是一樣。失望！」此 po一出，即時引起內地網民極大回響，有網民留言認為他小題大做，亦有人勸他買車胎應到實體店最安全！也有熱心網民教他，若買大件貨物就不要淘寶，不然就選旗艦店買。火氣未消的煎 Pang立即回應網民並解釋買淘寶貨原因，只是因為香港冇代理，若在外國訂購又要等上一個月時間，而內地淘寶只需一星期就可以。
成功換貨心情回靚戰車出巡
出 po呻爆不久，陳展鵬留言表示有轉機，透露店主發錯貨。不過，已經升呢做人爸的陳展鵬，購買對自身安全有關的車胎，即使嫌外國訂貨需時，也應該搵相熟代理幫忙，網購畢竟冇保證，架車又是用來接載妻女，如果車胎行駛時出事，損失已經唔係金錢可以彌補，對近期防疫高度戒備，最緊張妻女健康的他來說，似乎有啲失策。
未知是否因為解決了車胎問題，陳展鵬心情回靚，日前就同老婆單文柔去九龍城買餸上糧，仲揸住佢架深愛四驅車出巡，兩公婆先去雜貨店買乾糧及牛扒，之後再去街市買疏菜，婚後變愛妻號的陳展鵬，全程負責攞嘢，不用老婆辛勞。
陳展鵬太太網上分享BB相遭惡意攻擊！單文柔被讚有禮貌且EQ高
單文柔、陳展鵬半年內經歷結婚生女，去年4月宣布寶貝女小豬比 (Quinta)出世，一家三口上載溫馨合照上社交網，接受大家的祝福。自小豬比岀世後，兩公婆不時分享小豬比可愛相到IG，不過二人至今未有公開BB正面照，日前單文柔上傳BB溫馨相，卻遭網友嘲BB冇面見人，面對惡意攻擊，單文柔未有動怒，反而好有禮貌且EQ高去回應，獲網友大讚！
單文柔分享BB相及育兒心得
單文柔日前上傳「小豬比」拿住玩具的照片，剛好玩具遮住BB樣貌，單文柔寫道：「之前唔想俾小豬比抓傷面，幫佢戴了手套，後來發現佢經常緊握拳頭，網上話啱啱出生bb神經系統未發展成熟，屈肌強於伸肌！後來按摩手掌心，俾佢接觸唔同物件，慢慢佢開始打開掌心，我又長知識了」
一心想分享湊B心得，點知有網友留言批評佢同好多藝人一樣，一方面曬B，一方面又用emoji遮BB樣，仲話「怎麼啦？Baby冇面見人？」面對惡意批評，單文柔留言回應：「我很少回應對我評論，因為我尊重每個人的想法。其實我都是想家中長輩高興，家中有個小傳統，希望小豬比長到100日，身體再強些，才和大家見面。」單文柔和BB受攻擊，她未有動怒反而好有禮貌且EQ高去回應，獲網友大讚！
的確，單文柔多數都會用emoji遮住小豬比嘅樣，又或者多數畀個側面大家睇，不過呢啲係父母嘅個人選擇！
陳展鵬係好傳統嘅人，佢跟足中國人習俗不能讚初生BB，所以他之前接受訪問時話小豬比好曳：「BB係唔讚得嘅，所以佢係非常之曳，不過我哋依家已經 上咗手，小豬比一生出嚟好似Phoebe(單文柔)，但十幾日後又有啲似我喎！」
湊好這個B
囡囡出世後頭幾日陪月姐姐未返工，陳展鵬要落手落腳幫手湊女，兩公 婆更上網搵片學用包被，用包被緊緊包 實囡囡，使她以為自己仍在媽咪肚內更 有安全感唔會扭計。
