網民質疑陳小春「點解紅得起」反應兩極：當年興《古惑仔》

Aug 15 2024

57歲藝人陳小春近年在內地發展，深受觀眾喜愛。然而，近日有網民在討論區發文質疑「陳小春當年點解會紅得起？」，批評他「無樣無演技無唱功」。此言論引發了廣泛的網絡討論，網民們對他的過去演藝成就展開了激烈的辯論。

陳小春近日有網民在討論區質疑陳小春「點解紅得起」（圖片來源：微博@陳小春） — 近日有網民在討論區質疑陳小春「點解紅得起」（圖片來源：微博@陳小春）

陳小春 57歲陳小春與41歲應采兒結婚14年，兩個仔仔分別係11歲陳胤捷（Jasper）及4歲細仔Hoho。（圖片來源：微博@應采兒） — 57歲陳小春與41歲應采兒結婚14年，兩個仔仔分別係11歲陳胤捷（Jasper）及4歲細仔Hoho。（圖片來源：微博@應采兒）

陳小春被質疑「點解紅得起」

出道初期憑1996年1月在香港上映的《古惑仔》紅遍香港，之後亦推出過唔少經典K歌嘅陳小春，網民都表示唔明白為何陳小春會「紅得起」。有網民認為當年興MK仔+古惑仔，而陳小春一出道外表夠「MK」，《古惑仔》「山雞」一角又深入民心，所以令陳小春成功彈起。

陳小春網民認為《古惑仔》的功勞最大。（圖片來源：《古惑仔》劇照） — 網民認為《古惑仔》的功勞最大。（圖片來源：《古惑仔》劇照）

陳小春山雞同陳浩南真係好經典！（圖片來源：新傳媒資料庫） — 山雞同陳浩南真係好經典！（圖片來源：新傳媒資料庫）

網民反應兩極：啲歌係佢唱先有feel

雖然部分網民對陳小春的評價負面，但亦有網民留言力撐，指陳小春雖然冇唱功，但《取消資格》《犯賤》《失戀王》《相依為命》《神啊救救我》《我愛的人》等多首「口水歌」的確夠Hit、夠貼地，認為爆紅亦唔係冇道理：「冇唱功但佢堆歌都幾hit既」「佢同鄭伊健一樣啲歌係佢唱先有feel 其他人唱會差緊啲」「佢堆失戀歌好難聽但係好入耳可能夠平民」「貼地，就係因為夠平凡啲人先有投入感」等。

台灣音樂人周杰倫、陶喆功不可沒

另外，有網民再補充背後有不少出色音樂人的高質製作，造就陳小春紅得起：「一定要多謝當年台灣BMG堆音樂人，李安修嗰班，幫佢整咗堆可愛路線冧女歌，咩求愛瞎拼摸、神呀救救我嗰d，之後再有周杰倫出道幫佢整咗首《犯賤》，隔一年就到陶喆幫佢寫《啼笑姻緣》 (國語版算妳狠)，從此打穩當年 R&B路線嘅基礎」

陳小春 2006年「拉闊音樂會」上同Kelly陳慧琳合作大跳貼身辣舞。（圖片來源：新傳媒資料庫） — 2006年「拉闊音樂會」上同Kelly陳慧琳合作大跳貼身辣舞。（圖片來源：新傳媒資料庫）

陳小春同年歌曲〈劫數難逃〉MV搵姚嘉妮飾演女朋友（圖片來源：新傳媒資料庫） — 同年歌曲〈劫數難逃〉MV搵姚嘉妮飾演女朋友（圖片來源：新傳媒資料庫）

陳小春做埋「大灣仔」曝光率冇下滑過

陳小春近年在內地市場更係紅上加紅，2017年，陳小春與兒子Jasper共同參與中國親子節目《爸爸去哪兒5》，當時更獲不少廣告商找他們父子檔合作。2021年，他參加綜藝《披荊斬棘的哥哥》，決賽以第一名C位出道。2021至2023年期間，參加真人騷《披荊斬棘的哥哥（第二季）》，再主持《大灣仔的夜》，曝光率仍然冇下滑過。