陳婉衡池邊騷背迎血月 網友：果然係又圓又大！

撰文：東方新地 ｜ 圖片：東方新地、陳婉衡IG圖片｜ 編輯：20、八卦妹｜ 部份原文刊於：東方新地

陳婉衡池邊曬股迎血月

噚晚（26/5）罕見的天文現象全月食+「超級月亮」一同出現，而月食期間，整個月球都是呈現銅紅色，因而有「血月」之稱。但原來除了血月，擁36E火辣身材的無綫咪神陳婉衡，喺其個人社交網上載惹火相片，從相中可看到她身穿黑色水著，背對鏡頭，大晒Fit爆美背兼蜜桃臀，仲留言：「Suns out, buns out!（太陽出來了，『包包』也出來了）。」

網友看到個個都讚好：夠晒HOT！

唔少網友看到相片後，都讚好：「索到爆」、「蜜桃姐」、「Omg…yummy buns!!!」、「背肌有線條」，甚至有抵死網友留言：「睇完靚股，再賞月，真係賞心樂事！」

陳婉衡朝拜「J神」元陽石一索得男

擁有36E導彈身材的陳婉衡（Alycia）去年拍拖僅三個月即極速甩拖，重返單身市場後，Alycia為早日破「Dry」，行山搵「J神」元陽石吸陽氣，即時見效！日前陳婉衡在社交網的限時動態晒出一張合照，相中搭實一名男子膊頭合照，甜蜜施展胸壓，而男方則攬住其纖腰，二人非常親密，陳婉衡疑似成功脫單新戀情曝光。

陳婉衡甜蜜為新歡慶生

陳婉衡（Alycia）裙下之臣從來不缺，不過去年與圈外男友分手後，她左揀右揀希望遇到Mr. Right，仲心急到行山搵「J神」元陽石吸陽氣，好想盡快有拖拍，見她非常肉緊攬實元陽石，咁誠心抵佢咁快有新歡。剛過去的情人節不單止有花收，仲去酒店過夜慶祝，雖然陳婉衡話唔係新男友安排，只係佢老友簡淑兒（Jessica）送驚喜畀佢，轉頭陳婉衡疑似為新歡補祝生日，相中枱上有寫住「Happy Birthday Kelvin」的甜品，相信陳婉衡新歡英文名為Kelvin。

陳婉衡登山攬元陽石 貼「J圖」

去年回復單身加上健身室要關閉，平日熱愛運動的陳婉衡都自言「呢排嘅活動除咗行山，就係行山」。在今年二月底時仲去咗沙田行馳名嘅「女婆山」，手腳並用攀上打卡位置「元陽石」，佢喺IG表示「聽講吸下『陽』氣會增添異性緣。行咗成四個鐘終於搵到你啦～ 等我大大力吸多幾啖先！ 」似乎好渴望異性緣。

陳婉衡回復單身為難忍對方佔有欲太強

陳婉衡去年回復單身後不但在社交網上大晒性感喪食照，出席活動時亦以Deep V晚裝谷爆事業線，期間更有簡淑兒、鄺潔楹等好姊妹輪流相伴，為她治療失戀的傷痛。

陳婉衡高調po片晒愛 惹男友不滿

這段師生戀愛得甜蜜更極速發展到同居密友，疫情期間，健身班雖然需要縮減，但陳婉衡未有躲懶，經常在家操練，而對手亦多了其學生男友「王先生」，有指王先生與陳婉衡拍拖後，表明不希望高調，所以樣貌亦未有曝光，不過卻被女友出賣。

當然亦少不免將與王先生的私生活公開，二人在家勤操練，男上女下… 做運動。

兩口子同樣穿著背心在家人操練，上半身躺在梳化的陳婉衡，被男友從上壓住做運動 ，男友後來更肉緊壓住女友手碗，助她完成訓練。男友從側面看來，非常健碩，蜜糖膚色而且長相不俗，一臉認真陪女友做運動。不過陳婉衡公開連體運動的片段，卻惹來男友暴怒，不願長相曝光，卻被女友「出賣」，兩口子情海翻波，據知，陳婉衡事後知道男友暴怒，急急刪片補鑊，並承諾短期內不讓男友樣貌曝光，至平息事件，可惜最終仍分手收場。

陳婉衡Deep V迫爆上圍現身

36E「咪神」陳婉衡（Alycia），去年披上嫁衣出席活動，以Deep V迫爆上圍現身，非常養眼，咪神更全程笑開顏，原來係有愛情滋潤！已經搵到另一半，陳婉衡仲講到要收起性感，話日後結婚的婚紗款式都會盡量簡單，她笑言：「大部分男仔都唔鍾意另一半太性感。」

男友從事金融

Alycia冧爆表示新戀情萌芽數月，原來男友是其健身學生，從事金融行業：「佢係我啲客，健身學生。（操咩操到一齊？）哈哈！大家都鍾意做運動，有共同興趣，自己都偏向鍾意運動型嘅男仔。」

計劃為男友收起性感

操出情緣，向來以36E魔鬼胸同蜜桃臀吸客的陳婉衡，拍拖幾個月，已經講到要為男友收起性感，愛情魔力真係大：「佢都好尊重我嘅工作，都唔會管我太多嘅！但都話如果去沙灘或者著泳衣就唔好太性感，或者影咗相都唔好Po出嚟嘞！」

畀男友管住衣著唔畀過份性感，但陳婉衡就講時仲甜到漏笑唔停！似乎真係好享受被管，上健身堂能夠私有化女神，又邊個管得到，相信一班報名太遲嘅學生，錯失追女神機會，都只能嘆句無奈！

陳婉衡地獄式健身練成蜜桃臀

有前有後的陳婉衡號召力甚強，掛牌後即成「紅牌教練」，一星期一堂的核心肌肉訓練堂，個個星期都爆場，男賓為求一睹其蜜桃臀，個個爭住book期上堂，志不在運動，𥄫女為本，依家仲做大酬賓，只需88蚊就可以搵陳婉衡試玩操肌，真係抵到爛。

開健身班全男班學員場場Book爆為睇籮

身為健身室老闆娘的陳庭欣，於去年初搞噱頭力邀陳婉衡助陣執教鞭，咪神開班消息一傳出，隨即惹來大批男賓搶住上堂，每堂廿個名額秒速被 book爆，據知情者透露：「有睇開無綫都知 Alycia（陳婉衡）身材有幾堅挺，本來健身室諗住開蜜桃臀修練班，想吸引一班 OL女賓，點知冇乜女仔報，反而班男賓就一窩蜂搶住上，最後咪改成核心肌肉訓練囉！早前健身室受疫情影響要停開，開番之後再推出試堂優惠，其中一堂可以揀星級導師，參加嘅九成九係男士，仲要指定上Alycia嗰堂，能夠近距離接觸同欣賞，真係機會難逢，堂堂都好難 book。」有上過陳婉衡堂的男賓透露，雖然她是星級導師但絕不欺場，全程親身示範好落力，不過現場男賓 hea多過做，扮做唔到又博咪神出手教，大家對眼都離唔開陳婉衡的36E巨咪同蜜桃臀，根本都唔係有心去健身，目的只為睇女。

陳婉衡平時著三點式都任睇，著緊身運動服更加唔使驚，畀人望吓蜜桃臀又唔會蝕嘅，兼職教健身個個月爆堂有過萬人工，何樂而不為呢？