陳偉琪負面新聞多蘿蘿形象差被踢出《愛．回家》最後一集細龍生細龍太流出真眼淚｜頭號粉絲

陳偉琪憑無綫劇集《愛．回家之開心速遞》中，飾演「細龍太」雷珍妮成功上位，隨後又因其36E上圍，而被封無綫咪神，原本前途一片光明，之不過外間有傳陳偉琪因早前酒駕，隨後又被媒體影到與友人一支電子煙輪住吸，形象極差，從而被《愛．回家》劇組安排淡出，其他演藝工作亦全部取消歸零，令《愛．回家》極有可能成為陳偉琪在無綫的暫別作。

撰文、圖片：東方新地｜編輯：八卦妹（原文刊於：東方新地）

曾是TVB「咪神」陳偉琪今絕跡《 3日2夜》

形象豪放屢次出事的陳偉琪，曾涉及醉駕被捕，又被爆背男友街頭與外籍男激咀，早前本刊記者更在淺水灣見她無懼疫情與友人脫罩隊酒扯煙大解放，原來她已被投閒置散多月，據知情者透露：「 Vicky（陳偉琪）形象認真麻麻，出過咁多次事佢都冇變，言論又大膽，公司覺得佢好難控制，所以近月已經再冇任何工作畀佢，《愛．回家》都講佢避走外地，補咗個 shot就當係交代，劇中老公鄭世豪影響都大，冇咗個老婆戲份亦會大減，而Vicky就全面被放逐，就算復拍《 3日2夜》，都冇預佢，因為無綫依家大把咪神，少佢一個唔少。」

疫情嚴峻下，陳偉琪早前仍相約友人去淺水灣隊酒扯煙玩樂，更當眾睇男性器官照片，作風行為大膽。

有身材又有學識的陳偉琪，最近轉型在社交網學做KOL，披住浴巾為酒店及護膚品牌賣廣告，一舉兩得。

【愛回家開心速遞】陳偉琪酒駕保釋期間與友人飲酒作樂無視疫情全程無「罩」？！｜頭號粉絲

憑《愛．回家》彈起最後一集細龍生細龍太動真情

陳偉琪入行七年，因36E身材超級勁爆，出道後即被封無綫新一代爆乳「咪神」，過去多被安排做身材擔當，拍劇逾三十幾套都係做大配角，直至三年前加入無綫處境喜劇《愛．回家之開心速遞》演細龍太，陳偉琪終於有個角色被觀眾嗌得出名。

陳偉琪加入《愛．回家之開心速遞》三年，飾演的細龍太對住細龍生（鄭世豪飾）聲大夾惡，製造出唔少搞笑場面，大受觀眾歡迎。

久未露面的細龍太，因為幫爸爸雷公（白彪飾）吞奪接龍集團，而出賣了老公細龍生，令她感到沒有面目見對方。上周三（5日）細龍太再現身，心水清的網民都 feel到她將會淡出。

上周三（5日）就是陳偉琪淡出《愛．回家》前的最後一集，不過她只是出多個 shot就交代完，細龍生（鄭世豪）與細龍太（陳偉琪）終須一別，據知二人都拍攝時動真情流出真眼淚。之後鄭世豪在社交網送上自己首新歌〈只准你話我是傻〉畀陳偉琪，二人又一齊開直播聊天，當被網民追問細龍太何時回歸，陳偉琪只能苦笑說：「未知幾時會返⋯⋯」細龍太有錢就是任性，環遊世界未必返喇！