阿嬌藍色大海美人魚look重返18歲巔峰狀態！ 網友like爆俾「正評」！
廣告
近年將事業重心轉移到內地嘅Twins，今年踏入出道22年嘅佢地人氣繼續高企，早前更指正籌備今年舉行巡迴演唱會，實行補償兩年前因受疫情影響而擱置出道20週年嘅演唱會。而鍾欣潼（阿嬌）日前就代表Twins現身北京出席頒獎禮，接受大會頒發「年度熱度組合」獎項，雖然阿嬌單拖出席，但佢一身藍色美人魚造型就獲得不少網友掌聲！
藍色大海美人魚look現身頒獎禮！
阿嬌以藍色美人魚晚裝、低胸兼大露背造型現身，立即成為全晚焦點！當然亦引來網友討論。雖然好拍檔阿Sa未能出席，獨自現身活動的阿嬌顯得有些緊張，但造型實在太過仙氣十足，網友幾乎都係俾「正評」，形容阿嬌係真人版美人魚，顏值根本是重返18歲巔峰狀態，甚至話「近10年無後生嘅靚女贏到佢」！
阿嬌拍攝《乘風破浪》係為咗減肥！
阿嬌出演內地綜藝節目《乘風破浪》深受歡迎，因爲節目需要大量的唱歌跳舞橋段，所以令佢下定決心減肥，拍攝節目期間瘦咗接近20磅，前後對比照令人驚豔。除了迎來事業新高峰，瘦身成功後身材消瘦許多之餘顏值重回巔峰，零死角美貌不時成為網民熱話。
跨年晚會純白晚裝造型
早前Twins出席跨年晚會以純白晚裝造型亮相，絲毫睇唔出真實年齡，吸引許多網友激讚，「簡直係仙女」、「太靚啦」。
自爆曾因美貌而遭海關扣查
去年阿嬌參與內地綜藝節目《星星的約定》時，曾透露年輕時期要飛到比利時出席好友婚禮，中途在德國轉機期間竟然被海關扣查，原因是因為當地海關認為她們後生又靚女，以為去做唔合法嘅事情。其後阿嬌一行人不停澄清自己有錢，加上是名人身分最後才得以放行，有不少網友笑言「美貌惹禍」只會係阿嬌身上發生。
圖片來源：鍾欣潼@微博
