亞視一姐阿儀倒米推介粉絲睇對家劇集被追問：係咪想過檔？網友：阿儀你可愛啲

身為亞視一姐的「阿儀」（薛影儀）在多次的訪問中，曾透露過自己鍾意煲TVB劇，日前她更在社交網中出post，向粉絲推介早幾個月已大結局的TVB劇《寶寶大過天》，又大讚劇中童星好可愛，即引來眾多粉絲留言力讚「阿儀你可愛啲」、「唔夠你可愛」、「阿儀你先係最可愛果個」等等，亦有粉絲追問她點解要幫對家宣傳，係咪想過檔？

文：東方新地｜圖：IG@ching_yee0205、IG@heungheungeliza｜編輯：HM（原文刊於：東方新地）

阿儀：個細路女好可愛

阿儀早前接受訪問時，曾直言有睇過TVB的《Think Big天地》、《東張西望》和《寶寶大過天》等節目和劇集，仲幫TVB賣廣告，話如果大家在電視上睇唔到，可以去網上myTV SUPER睇番。日前阿儀更在其社交網中出post，向粉絲力薦早幾個月已大結局的TVB劇《寶寶大過天》，並留言大讚：「大家都有睇過呢出（齣）戲嗎？果（嗰）個細佬（路）女好可愛呀！」

有數千人讚好阿儀的發文，其中包括近日被指帶寫真面試《全民造星4》，最後無緣入圍的黃榕（Gloriana）。（圖片來源：IG@ching_yee0205） — 有數千人讚好阿儀的發文，其中包括近日被指帶寫真集面試《全民造星4》，最後無緣入圍的黃榕（Gloriana）。（圖片來源：IG@ching_yee0205）

劇集早幾個月已大結局，相信阿儀已煲完全劇，但她仍不捨地在網上搜尋相關圖片。（圖片來源：IG@ching_yee0205）

阿儀仲特別大讚劇中飾演童童的小童星梁芯語好可愛。（圖片來源：IG@heungheungeliza）

眾粉絲力撐：阿儀可愛啲

阿儀今次有感而發的post，引來眾多粉絲留言力讚「阿儀你可愛啲」、「唔夠你可愛」、「阿儀你先係最可愛果個」等，並提議ATV為阿儀拍番套《阿儀來了》或《阿儀大過天》。亦有網友追問她「做咩宣傳對家啲嘢」、「係咪想過檔」、「亞視有冇畀你激死？」等等，又指她貴為ATV藝人，推介TVB劇好倒米，提議阿儀最好推介番ATV劇。