關禮傑18歲細女恨做韓星 keep fit減肥做足準備 咁星二代出道會唔會多D粉絲?!｜頭號粉絲
撰文：東方新地｜圖片來源：東方新地、Instagram｜編輯：iluvhk (原文刊於《東方新地》)
關禮傑18歲細女恨做韓星 keep fit減肥做足準備
關禮傑細女關楓盈染上一頭粉紫色的楓盈看上去極似一名韓星。佢亦係一名Kpop迷，高中畢業的她最大心願是去韓國讀書，做練習生加入女團。雖然阿爸 係關禮傑，但去韓國發展真係要靠自己實力，早前關楓盈與友人遠赴首爾探路，韓妹打扮中晒毒！
關禮傑18歲細女發韓星夢撇低家人去首爾探路
關禮傑一門三美，太太梁安娜（Anna）是出名的靚媽，打扮新潮穿衣有品味，與25歲大女關楓馨（Fabienne）似足兩姊妹，細女關楓盈（Franziska）近年亦搣甩baby fat，顏值直逼家姐。自小跟住關禮傑接觸圈內的人與事，關氏姊妹花早已習慣活在閃光燈下，大女關楓馨已半隻腳踩入娛樂圈，細女關楓盈原來亦有自己的人生大計，近年迷上韓國 K-pop文化的她，追韓星追到上晒癮，買明星相睇 K-pop騷，就連打扮亦跟足韓星，頭髮染成七彩顏色，又釘齊鼻環、唇環與眉環，非常前衛，她與家姐關楓馨年紀相差七年，性格亦大不同，相比起家姐的成熟與乖巧，關楓盈比較自我與外向，父母的意願只作參考不會跟足。早前關禮傑與太太及大女外遊滑雪，細女關楓盈未有同行，原來是與友人去了首爾一趟。關楓盈過去幾年長駐加拿大多倫多讀高中，放假不是返港，就是去英國探家姐，近年迷上 K-pop，更是男團 BTS超級粉絲，而每次有心儀韓星去加國開騷，她都一定捧場，此行去首爾主要是朝聖兼探路。
恨入女團積極備戰努力瘦身學韓文
據知情者透露：「關禮傑好錫兩個女，一直以來都畀好大自由度佢哋，做乜都有商有量，大女 Fabienne好識諗，讀埋碩士先諗入行做星，細女 Franziska就想做就去做，為咗追韓星，佢好想去首爾學好韓文同融入當地文化，所以早前同朋友去咗一轉，睇吓有冇短期課程可以報讀，Franziska仲好恨入女團，不過喺韓國入行真係唔易，要考入娛樂公司做練習生，要唱得跳得同睇得。論外形 Franziska好有潛質，不過演藝條件就係未知之數，所以都有難度。」
入香港演藝界就話有爸爸關禮傑照住，關楓盈想做韓星加入韓國女團就要百分百靠自己，廿四孝爸爸亦愛莫能助，而關禮傑只能在精神上和金錢上大力支持囡囡，知情者續說：「女大女世界，好多嘢都逼唔嚟，細女 Franziska目標好清晰，就係發韓星夢，關禮傑覺得佢18歲有嘅係青春本錢，雖然心入面係非常之想佢繼續專注學業先，但書幾時都可以讀，畀佢出去闖闖都冇壞，只要佢唔係學壞絕對可以接受。對於細女思想與打扮都好前衛，關禮傑兩公婆亦冇所謂，因為佢哋都係新潮父母，一家四口無所不談，相處之道係好似朋友咁，完全冇代溝。」要打入奉行美貌主義的韓國娛樂圈，關楓盈積極備戰，五官標致雖有優勢，但自小肥嘟嘟的她，要靠後天努力瘦身，早年她亦跟隨家姐茹素，身形拉長擁有長腿，清秀 V面亦漸漸成形，值得期待。
關禮傑與太太 Anna結婚三十年，是圈中模範夫妻，兩個女兒出世後，關禮傑早年大部份時間都北上搵錢，太太Anna就留在香港照顧囡囡，小時候的關楓馨與關楓盈都是肥嘟嘟好可愛。
