網民：背肌令少女失禁式尖叫 關智斌肌男 進化史全面睇原來全靠呢招！
撰文：占士@Central│圖片來源：連登、Facebook
網民：背肌令少女失禁式尖叫 關智斌肌男 進化史全面睇原來全靠呢招！
喺欣賞Kenny一身肌肉嘅半裸照之前，不如大家一齊回顧吓當年仲係小鮮肉嘅佢同Steven係點樣樣嘅先啦！
Kenny曾經喺宣布同Steven合體開騷後，喺社交平台大晒Boy’z十五年前嘅半裸寫真！睇到自己當年副body同埋啲濕身相，Kenny都一樣好震驚，仲留言話：「多謝你們最近也不停勾起我的回憶，所以突然想到從書櫃深處找回這一本寫真集…#笑到我呢 #當年點解會有勇氣咁做 #兩個排骨仔 #有人係曾經瘦過 #當年係男子寫真銷量第一 #因為係唯一一本 #好人好姐邊個會去影呀 #一定都係mani吩咐 #雄風pose加埋個咀一定要搵啲嘢咬 #魚網衫 #睡床半裸惺忪眼」
再睇番當年Boy’z嘅宣傳照同MV。2003年嘅《Lala世界》MV中雖然Kenny同Steven都有著衫，但隔住件tee都睇到佢哋身材比較瘦削。而喺2004年嘅《眼紅館》MV入面，雞翼袖上陣嘅Kenny都有騷吓手臂仔，同依家大隻仔咁款仲有段距離。
Boy’z昔日宣傳照
《Lala世界》MV截圖
《Lala世界》MV截圖
《眼紅館》MV截圖
《眼紅館》MV截圖
《分手不要太悲哀》MV截圖
Kenny喺《分手不要太悲哀》MV都有騷手臂仔。
直到2011年Kenny宣布同Steven重組Boy’z，Kenny體形睇落似乎都係冇乜大變化，不過腹肌嘅線條都幾明顯吓！
2012年Kenny首次喺IG貼出半裸海灘相，手抱小孩嘅佢手臂終於有啲變化。
Kenny一直都有跑步習慣，幾乎每年都會同Steven、鍾舒漫、吳浩康等圈中好友齊齊跑馬拉松。
2013年同Steven跑馬拉松又大騷手臂仔。
同年與Steven、Sherman、阿Deep等參賽再騷手臂已經有啲變大隻嘅跡象！！
不論衝浪定踩單車，Kenny一係就裸上身，一係就以貼身運動裝上陣，如果當年再練大隻啲，實引死一班女粉絲啦！
大概到2014/2015年到，關智斌開始頻頻喪po出海遊玩嘅半裸照，要出海玩啦肯定要騷肌，唔知係咪呢個原因激發起佢操肌嘅動力呢？
到近年關智斌終於健身有成，搵香港知名攝影師劉翁幫佢留倩影，紀錄Kenny由小斌女變成大隻斌嘅點滴。
自Kenny健身略有所成後，佢嘅社交平台上嘅性感照亦有增無減。
Kenny健身之餘亦不時行山，仲成日野生捕獲到發哥周潤發添！
睇到Kenny身材愈嚟愈好，一班網民都睇到金睛火眼咁，你睇吓佢哋啲反應就知啦…
