關智斌爆肌拍網絡電影 瘦底變身型男斌
廣告
關智斌 （Kenny）參演網絡電影《血戰銅鑼灣3》，同時推出新國語歌〈習慣說謊〉，一向靚仔嘅 關智斌 喺新歌〈習慣說謊〉MV嘅造型旋踵即成為話題。做黑社會大佬嘅Kenny谷肌上陣，演得入型入格，為保護女友而打鬥嘅場面勁有男人味，一改白淨小鮮肉的形象。
Text-東方新地 Photo-新傳媒資料庫、〈習慣說謊〉MV、〈愛神之箭〉MV edit-adam
關智斌 擺脫小鮮肉形象
關智斌（Kenny）近年轉往內地發展，劇集接完一部又一部，人氣爆燈！由Kenny主演的網絡電影《血戰銅鑼灣3》將推出，好耐無出歌嘅佢，仲唱埋電影主題曲。在〈習慣說謊〉MV入面雖然無裸露上半身肌肉，不過着住緊身白色背心嘅Kenny，肌肉線條若隱若現，加上皮膚黑實、留平頭同留鬚，顯得佢更man。
呢個MV可以話係《血戰銅鑼灣3》的預告片，將飾演古惑仔的Kenny不羈型味預先等觀眾流下口水。Kenny就話，自己原本只係為健康做下運動，操到一身Fit肌，無諗過喺今次新戲、新歌大派用場。
MV講述古惑仔Kenny對女主角一見鍾情，礙於自己身份，一直唔敢展開追求。有次Kenny被控告傷人，女主角本身可以出庭作證，不過因父親反對而無出現，最後Kenny要坐監。女主角一直等Kenny出獄，多謝佢，點知最後Kenny為兄弟出頭，被打到死，二人始終未能有情人終成眷屬。Kenny話好鍾意〈習慣說謊〉MV、好鍾意相愛的人要陰陽相隔的情節，仲提醒Fans要拎定紙巾。
相比04年與梁洛施Isabella 合唱的〈愛神之箭〉MV入面嘅佢，Kenny認真「仔大十八變」，當年瘦削、青澀怕醜的少男依然靚仔，宜家再升級做爆肌型男，看來在內地吸金力會加倍！但幾時先返香港，同香港Fans見面啊？
