關嘉敏激咀70歲鄧英敏自爆NG次數驚人網民：有冇需要真咀呀？

由蕭正楠、吳若希、朱敏瀚、賴慰玲、鄧智堅等主演的的劇集《奔跑吧！勇敢的女人們》，近日劇情講到洛澄（賴慰玲）被拍到與邱生（鄧英敏）疑似偷情的醜聞，當中性感小花關嘉敏「犧牲色相」激咀70歲鄧英敏，引發網民熱議！

關嘉敏肉緊激咀70歲鄧英敏

洛澄的名聲就因一張偷拍的雜誌封面而岌岌可危，雜誌上那位疑似她的女子，和邱生的親密互動，讓邱太（林漪娸）火冒三丈，不但當場指責洛澄是小三，甚至還當眾連環掌摑她，而且連邱生也說是洛澄主動勾引他，在工作室的全體員工都看到這一幕，令洛澄感到非常委屈。

今晚（13日）一集講到采琳（吳若希）發現邱生偷情的新線索，原來他經常打電話到名牌服裝店，所以她與禾平（朱敏瀚）一同去「索料」，豈料發現原來邱生的真正小三是服裝店的Sales（關嘉敏），最後更發現關嘉敏與鄧英敏激咀，錫得旁若無人，這幕引起網民關注，留言指「不得了」，「英敏哥好有艷福」。

談到這場激咀戲，關嘉敏（Carman）接受TVB.COM訪問指初時感到驚訝：「我螢幕親熱戲真係唔多，第一個螢幕初吻畀咗丁子朗，第二個就係英敏哥，而且佢哋嘅年齡差距都好大，我完全冇諗過入咗嚟TVB 3年已經可以咁快接觸到兩個年齡層嘅人有親熱戲。」

Carman自言這場戲甚有難度：

「因為我同自己爸爸或爺爺都未試過錫嘴嘴，加上又要對住前輩去做呢件事，所以真係唔夠膽。」

她透露最初劇本只是寫會有親熱戲：「我去到現場先知道要真咀，嗰一刻都好不知所措，但我覺得作為專業演員，導演需要啲咩就盡量配合，所以好快調整咗自己嘅心理狀態，同英敏哥亦有好好嘅溝通點樣做。」

Carman大讚英敏哥是一位好前輩：「佢好好帶住我，所以整個拍攝都好順利，但吳若希同朱敏瀚喺隔離就笑得好大聲，因為成個氣氛好好，大家都有講有笑，所以令我都冇咁尷尬。（NG咗幾多次？）都有5至6次，因為有時要就機位，有時就感覺我唔夠『狼死』錫。」

見到關嘉敏親身上陣咁專業，網民都有唔同意見：「有冇需要真咀呀？擺明豪比啲老前輩啦！關嘉敏好慘」、「鄧英敏買通導演了」、「呢場戲根本唔需要咀」、「真到完美演繹出勇敢的女人」、「講真關嘉敏越睇越靚形象百變，捧佢好過游嘉欣」

ViuTV選秀節目《全民造星III》出身的關嘉敏今年30歲，自2021年簽約TVB之後一直未有太大發圍，直到今年憑《福祿壽訓練學院》成功入屋。關嘉敏近期在TVB綜藝節目《福祿壽訓練學院》中表現出色，扮乜似乜，其中扮譚輝智同王菲就最為出色，神似演出獲大量好評，有機會角逐女飛躍！