51歲鍾麗緹重現《食神》經典造型 網民：膠味濃
廣告
51歲中越混血女神鍾麗緹，出道近30年仍然保持凍齡美貌，近年因為參加《乘風破浪》第一季而再次受到關注。過去佢曾飾演電影《食神》中嘅學生妹，片中青春甜美嘅鍾麗緹以學生妹造型露出甜美笑容食住雪條嘅樣，令周星駞都迷得神魂顛倒。近日相隔26年，佢重現呢一幕經典畫面，點知被網民痛批：「膠味濃」。
小紅書上傳食雪條片
鍾麗緹開設小紅書後，不時會分享有趣嘅影片。近日就喺小紅書上傳咗一段影片，影片中佢著住白色裇衫，一頭同當年《食神》差唔多嘅捲髮造型，開心露出清純無辜嘅表情攞住紅色雪條淺嚐一口，影片中仲不時會穿插當時《食神》片段作比對。
影片曝光網民唔收貨
影片曝光後，即刻引起大量網民關注，有唔少網民都表示勾起當時美好嘅回憶，但都有唔少網民覺得51歲仲扮清純有啲勉強，同當年清新嘅樣子相差甚大，留言表示：「認老有好難？」、「好油膩」、「中咗幅射咁嘅樣」、「美好回憶留係心中唔好咩，點解要破壞佢」。
圖片來源：IG@christychung919, 小紅書＠鍾麗緹, 《食神》劇照
