鍾舒漫法庭獲判勝訴輸家陳潔玲突「插入」騎劫訪問

鍾舒漫（Sherman)和陳潔玲去年合資做清潔消毒防疫產品生意，雙方因涉金錢糾紛而要對簿公堂，Sherman入禀小額審裁處向陳潔玲追討逾4萬元。二人反目後，不時在網上隔空罵戰，互數不是。今日（3/9）案件終於有定案，審裁處裁決Sherman勝訴，指陳潔玲違反拆夥協議，被判敗訴，必需支付對方款項43,560元及訟費1,183元。而在審訊期間，Sherman投訴對方於上月3日在法庭內偷拍她，但陳潔玲否認此事，審裁官提醒庭內不准拍攝，提醒Sherman若有需要可就此事報警。

撰文：EVA｜圖片來源：TVB娛樂新聞台

鍾舒褀Sukie拉開胞姐鍾舒漫以示不滿

散庭後，Sherman由胞妹鍾舒褀（Sukie)陪同下接受傳媒訪問，可是訪問中途，輸家陳潔玲突然走前，要求和Sherman一齊受訪，但即時被Sukie拒絕，指斥對方做此行為屬無禮之極：「唔使一齊做訪問，唔該唔好啦，你真係唔受歡迎。」但陳潔玲卻未加理會繼續發言，Sukie再向對方表明：「小姐，其實你咁樣真係好冇禮貌，你畀佢哋做晒先啦，好唔好？」但陳潔玲一於少理，指自己趕時間，堅持留低，「騎劫」主場，期間她向旁邊的Sherman道歉，又強調不會上訴，指「幾萬蚊唔算好多錢」，不過Sherman對其「懺悔」明顯不受落，邊聽對方發言邊黑面反眼，之後Sukie和家姐咬耳仔一輪，最終她拉開Sherman離開以示不滿，令場面非常尷尬。