「林鍾大戰」今晚即將展開 大J對戰Steven成另一焦點 話你知邊度有得免費睇
撰文：Lmc丨圖片：林作@IG、鍾培生@IG、17LIVE@YOUTUBE丨編輯：海月、HM（部份原文刊於：東方新地）
林鍾一戰過磅｜林作重鍾培生16.5磅
周六（18日）九展舉行的《培生擂台：無敵盃We Are Champs》拳賽，周五（17日）各拳手過磅，體重分別是林作72.3kg、鍾培生64.8kg，雙方相差7.5kg（16.5磅）。
影合照時鍾培生突然咆哮一聲，在旁的林作表現鎮定，更自信滿滿表示自己自出世已準備好，又指自己是淡淡定定有錢剩選手，預計第一回合可把鍾培生打低。
林作要求鍾培生同教練對打
對於拳賽前兩日，鍾培生突然提出加碼新盤口，二人隔空回話，林作一時話鍾培生出口術，一時又話接受新盤口，不過林作和鍾培生周五上磅後，林作就表示：「 鍾培生畀多一百萬我唔要啦，但如果鍾生打到我暈低，我係話要同我教練團之一再打一場，鍾生幾個月前挑戰過我教練，我覺得呢個恩怨應該要了結，我唔貪心，畀一百萬我就得喇﹗」林作指他這個要求鍾培生沒有答應，所以才告吹， 即大家沒有達成共識，所以維持不變﹗
大J對戰張致恆Steven亦成全城焦點
林鍾一戰周六比賽，周五進行過磅，張致恆Steven能否減磅至大會要求的70kg或以下，成為過磅記者會的焦點之一，Steven明顯比之前瘦但上磅體重達73.5kg，而大J則是69.1kg。Steven透露答應參加拳賽時，體重98kg，現時減至73.5kg。他回應大J指被要求遷就體重，Steven強調沒有呢回事，更指自己無違約，與大J爭辯如羅生門﹗
Steven強調無修改合約 承諾唔會揸流灘
Steven張致恆指參加拳賽全因為鍾培生邀請，Steven覺得幾好玩，又認為自己曾參加過毅行者、三項鐵人及長跑等比賽，覺得自己也能應付，而且出場費可觀，Steven話：「我當係一個工作機會，所以當然接啦，最初係抱玩嘅心態，不過經過五個月訓練，真係投入咗，我會盡力打唔會揸流灘。」被大J指超重，Steven強調自己現時體重是按大會指示，表示：「合唔合資格？可以話差少少，但唔係講到咁囉，而且我從來無去要求任何人遷就磅數，冇諗過一個工作變成有政治成分，總之我會做好自己﹗」Steven強調沒有修改合約，但卻唔肯透露要否因磅數而罰錢﹗
大J後台直擊令爭拗場面曝光
記者會後，各拳手返回後台聽大會裁判講解詳細規例，而大J和Steven就磅重問題，在裁判前爭拗，大J一方一直未肯罷休，而Steven一方卻表示簽約條件跟大J的不同，合約訂明中體重並非70kg，雙方爭持不下，大J教練跟Steven教練指：「大家都上過擂台，知道要上台，就死都死去減，減到啱標準為止﹗」Steven大部分時間都由教練代言，雙方你一言我一語相當激烈，不過最後大J還是讓步接受挑戰﹗大J教練怒爆對大J話：「聽日（18日）你同我殺x咗佢﹗」
大J繼爆料被要求調高體重遷就對手後，又爆指大會再聯絡他，指每回合的時間，以體力和安全問題為由本來的三分鐘比賽改成兩分鐘，大J表示為免Steven退賽，最後接受新動議﹗
17LIVE 免費有得睇 二人繼續隔空口水戰
直播平台 17LIVE 破天荒宣佈天價與鍾培生及林作簽獨家合約，在 5 月 21 日 (星期五)於記者招待會正式公佈合作內容及籌備進度，並為 17LIVE 限定店主持開幕儀式。 鍾培生和林作將加盟 17LIVE 拍攝香港獨家特備節目《鍾林大戰》，以實時直播形式 展開連場激烈比拼，考驗其體能、應變、口才等。17LIVE 觀眾能率先在 9 月拳賽前，一 睹二人的備戰情況。《鍾林大戰》節目共 4 輯，預計 6 月尾在 17LIVE 直播平台播出。活動上，二人繼續大寸對方。鍾培生提到林作早前首場拳賽的表現，直指：「佢啲步伐唔靈活、啲拳係亂揈、個呼吸唔好，睇到佢好緊張，咁我都想佢畀觀眾睇到啲好嘢。」
鍾培生取笑林作打3場官司都輸掉
除了拳賽的表現，鍾培生又取笑林作打3場官司都輸掉，十分不客氣。有網友有指林鍾之戰是掠水表現，鍾培生表示唔會理啲網民，因為好多人支持，冇時間理haters。
女友裕美有到場支持 林作：而家嘅進度超越預期
活動上，林作女友裕美也到場支持，相當唔話得。林作提到好多人搵佢合照，以後影合照口號就係「打X鍾培生」。林作與裕美一同受訪，被問到有沒有緊張，林作自信話「緊條毛吖」，仲有4個月而現時進度超越預期。對於被鍾培生力數，林作又回應嗰啲係流料，只係效果未攞晒實力，唔可以作基準。
鍾培生：收入比他預期多
另外，鍾培生又指9月之戰帶來的收入比他預期多，更指這是近年最大娛樂盛事。因為幕後拳手、團隊都要出糧，請嘉賓亦要錢，多謝識欣賞嘅人，唔識嘅都冇時間理佢哋。
17LIVE免費有得睇！
至於今晚「林鍾百萬賽事」，17LIVE也會全場直擊，買不到飛入場的朋友，可以Download 17Live的app啦！
