51歲金城武神隱多年終現身 全新廣告照網民驚嘆：男人天花板！

日本演員金城武一向為人低調，近年極少於公眾場合出現。上一次參與嘅電影已經係2018年拍攝完畢、由麥浚龍執導嘅《風林火山》。最近，粉絲終於可以再次見到佢嘅身影！全因為佢為中國區品牌代言嘅最新廣告照釋出，引起網民熱烈討論。

金城武年輕時出演多部經典電影而為人熟悉：

全新廣告照中，51歲嘅金城武完美詮釋日常生活嘅自然氣息，舉手投足都盡顯清新質感！

兩張清新嘅相足以引起網友熱議，驚嘆指「真係男人天花板」、「零死角」、「年紀大咗仲咁靚仔！」、「神隱男神」等等，亦有唔少網民對於佢突然出山感到驚喜，指出「係咪就上映《風林火山》準備宣傳？」、「可能打機打到悶」、「男神終於出山了」。各地嘅粉絲都紛紛向品牌表達想睇更多，而官方小編亦回應指將會有更多相關嘅相同片會釋出。想睇更多男神靚相嘅粉絲，記得密切留意喇！