中年好聲音2｜鄭梓浩遭前女友踢爆「食軟飯」 力數3宗罪件件震驚！
廣告
55歲鄭梓浩（Brian）1991年出道，並先後推出唔同歌曲，但一直星路平平，直至參加《中年好聲音2》後先翻hit。雖然鄭梓浩無緣10強，但仍然收穫唔少fans。不過早前鄭梓浩的前女友Grace就向傳媒爆料，更力數鄭梓浩的3宗罪，踢爆鄭梓浩不忠之餘，仲長期「食軟飯」……
鄭梓浩食足7年「軟飯」
Grace自爆係鄭梓浩嘅初戀女友，2人於2017年重逢後，自己更不惜花費數百萬資助對方追夢。Grace仲表示為鄭梓浩支付咗50萬，包括45萬支票以及5萬現金，畀佢找卡數同交租之餘，仲搵人設計造型做好宣傳。2人同居近7年，Grace表示自己已融入鄭家，就連鄭梓浩嘅媽媽同2個小朋友都當自己係屋企人，小朋友更稱呼佢做媽媽。
鄭梓浩「偷食」被斷正
鄭梓浩去年聲稱要去內地幫大仔醫肌肉萎縮病，更表示需長住內地。雖然當時Grace就已經懷疑鄭梓浩出軌，但對方就極力否認。
直至今年初，Grace在相機發現鄭梓浩與另一名女子嘅親密片段。被斷正嘅鄭梓浩先認喺佛山有「小三」。Grace仲大爆每次鄭梓浩到佛山做抖音直播，都會向「小三」提供性服務，甚至連大仔返港嘅機票都獲「小三」資助。
鄭梓浩前女友踢爆要食壯陽補品
Grace最後更踢爆鄭梓浩仲有一位已婚兼已為人母嘅半圈中人「小四」，對方仲會背住老公同鄭梓浩「裸聊」。而鄭梓浩嘅連環「偷食」仲畀大仔發現，忍無可忍之下更向Grace求助。
鄭梓浩更以感染新冠肺炎影響性功能做藉口，要Grace買鹿尾巴丸畀佢補身，但鄭梓浩就用嚟滿足「小三」和「小四」，令Grace嬲爆指佢係縱欲過度，導致性功能出現障礙。
