鄧麗欣VS林明禎二選一 壓倒性跑出 網民：毫無懸念喎！

鄧麗欣大比數勝出

鄧麗欣和林明禎在《飯戲攻心》中分別做黃子華前度及現任女友，除了戲中大哥黃子華成焦點，兩女較勁都好吸睛，近日有網民在討論區，以「鄧麗欣定林明禎？」為主題，網民反應熱烈，最後聲稱自己十多歲以至年逾半百的網民，以壓倒性票數揀鄧麗欣，並大數她三大完勝原因，直指揀Stephy：「毫無懸念」。

鄧麗欣無身材都贏

有網民指講身材，林明禎出名大胸又腰細，鄧麗欣無澎湃身材，論上圍明顯不及林明禎，但網民都仍然揀鄧麗欣，何解呢？「林明禎睇落似石頭胸，有假奶之嫌」、「屎塔肥世一㗎喎，點比？」、「講身材睇整體性，Stephy雖然纖瘦，但望落去都係引死人嘅！」、「Stephy似係嗰啲平時密密實，好少可露下就好矜貴」、「諗咗陣，我都係揀鄧麗欣」等

鄧麗欣愈大愈有女人味

Stephy十七歲出道，觀眾睇住佢成長蛻變，比起林明禎出道不到十年，自然是前輩級，有指Stephy身為「長輩」級都快四張，點可以同「後生女」林明禎比，有網民指「Stephy全盛時期一定贏明禎」、有網民即反對：「我覺得啱啱出道嘅Stephy未成型，仲baby fat，係呢十年開始愈來愈索」、「用依家嘅Stephy都贏林明禎啦，自報歲數我今年十八歲，我老豆五十幾歲都係揀Stephy喎！老豆話佢後生同依家係不同嘅正喎！」、「雖然Stephy歲數已達姨姨級，不過愈來愈有女人味，堅係索喎！」，即有網民指「唓！林明禎都32，大家都係三張啫」。

重溫Stephy蛻變

鄧麗欣純天然素顏又睇得

有網民指Stephy大家睇住佢大，證明全身上下都係純天然，更把少女時的象腿都成功減走，對鄧麗欣多年來的保持純天然大大加分，有網民指：「林明禎個樣好膠喎，塊面硬晒！」、「林明禎好多地方都造假。」、「Stephy平時都好淡妝，睇佢《男排女將》就知，係有埋氣質嗰下正。」、「鄧麗欣素顏都好睇得。」、「Stephy唔化妝都幾正，嗰時同王子拍拖都冇姊弟feel」等

馬拉妹林明禎台灣走紅

32歲林明禎出身大馬，六年前到台灣發展， 憑甜美笑容加上魔鬼身材，在台灣人氣高，出過唱片、開過音樂會、拍過劇。近年開始轉戰香港，過去一年長留港，更成為香港廣告女王，瘋狂吸金！