「小饅頭」而論！鄧麗欣定李靜儀女人味濃 網民：二度發育無得輸！
鄧麗欣激罕晒水著 火速成熱搜
鄧麗欣Stephy之前揚言《飯戲攻心》票房破6千萬元，便把之前到意大利參加影展時，拍下的水著公開，點知票房快速達標，Stephy笑言無諗過咁快，一度想縮沙，然後改口票房過7千萬元才晒水著！雖然票房未到七字頭，但Stephy選擇在自己39歲生日當日派福利！雖然是一件頭泳衣，但中空及大露背的設計，加上Stephy的S甫士，大晒曼妙婀娜多姿，極盡吸睛，外加Stephy激罕晒水著，亦甚少性感打扮，被讚禾稈冚珍珠！
鄧麗欣純天然港女
網民以「無身材又有女人味嚟講，Stephy定Heidi？」為題，指二人年過三十，同樣歌手入行現以演戲為主，二人入行以來都唔賣身材，請網民選出心水。有網民指李靜儀Heidi 「淨係對腳都贏晒！又後生過Stehpy成八年，仲呃到人扮學生妹」，被不少網民反駁，「Stephy對腿都正，只係唔會成日騷」、「Stephy係愈來愈有女人味，反而佢唱歌年代冇依家咁正」、「Stephy而家先係佢全盛時期，最正係上下全身都純天然，同期好多都整過個樣」、「Stephy女人味好自然流露，女人味得嚟又比較平易近人，似番香港女仔，Heidi走日系，同埋比較高冷」等。
網民忽然轉軚撐Stephy
有不少網民是因Stephy輯水著而「轉軚」，留言「本來我就揀Heidi，對腳無可挑剔，但睇完Stephy輯相，就全數投落Stephy度，真係少露多滋味」、「Stephy唔聲唔聲，收埋咁耐突然一露，真係高招，好難唔揀佢」、「我覺得佢連啲甫士同眼神都女人味滿瀉。」
鄧麗欣有內涵獲加分
又有網民指Stephy的女人味是由內而外，指她有才華「Stephy之前喺疫情期間自學彈琴，女人彈琴又加分」、有人回應「原來畫功了得，之前送咗張畫畀子華神，子華神話要喺屋企掛起佢」、「感覺上Stephy呢幾年，多咗人生閱歷，多咗份知性美，呢啲無得扮出嚟」、「留意佢呢幾年嘅訪問，得體又真性情，唔造作嘅女仔」
網民FF對住Stephy求包養！
更有網民指揀Stephy，是因為她是圈中小富婆，家住獨立屋，全屋只有她和母親以及一狗，好需要一個男主人保護，留言指「姨姨我不想努力了！」又指她是圈中孝順女，「呢啲都加分啦」、「好在同方生分咗手咋，依家先最正，方生享受唔到」，估唔到以上3點令Stephy致勝原因之一。
