鄧紫棋整到變3.0？包包臉愈變愈尖！鄧紫棋宇宙級變臉逐格睇
撰文：東方新地｜圖片：東方新地、微博｜編輯：異種火星人、海月 （原文刊於東方新地）
鄧紫棋整到變3.0？包包臉愈變愈尖！鄧紫棋宇宙級變臉逐格睇
2014年前鄧紫棋以新人姿態在《我是歌手》登場參加歌唱競技，結果一開聲一鳴驚人，一個節目徹頭徹尾改變歌唱事業，G.E.M.鄧紫棋瞬間由香港歌星仔變紅透華語世界萬人迷。經過五年北上耕耘，G.E.M.唔止升呢做內地選秀節目導師、獲選愛奇藝年度女歌手獎、聖誕新年檔更成為各地熱搶壓軸嘉賓！
最近驚變徐子珊
最新消息，係同蔡依琳並 列被稱雙天后去台北唱聖誕騷。都話人紅樣都會變靚，日前G.E.M.出po自爆獲選 BBC18年度全球百大女性，化行妝的輕熟女造型竟然似足徐子珊!
早前G.E.M.在個人IG發出新圖，出道至今出晒名嘅包包臉及豬膽鼻完全失蹤，變化之大真係稱得上鄧紫棋3.0！
大家又認為鄧紫棋現時有幾多Version呢？
撞樣姊妹
眼神矇矓、厚唇半張，最緊要都係大家都有個直不甩標準靚鼻，絕對有異曲同功之妙。
大頭照，嘴微張，再加埋相機 FILTER效果，其實唔止 G.E.M.同徐子珊，呢個都係網紅指定動作!
呢個紅唇紅地氈妝，有絕對理由懷疑 G.E.M.同徐子珊都用咗《少林足球》阿梅御用化妝師，鼻影方面相當重手。
男友操刀變靚
當年16歲出道天真無邪愛扮金魚嘴，如今27歲係宇宙級天后當然今時唔同往日，女大十八變 最大功臣亦都要多得背後男人Mark。據悉Mark Ngai家底豐厚、外公王國旌係關之琳首任丈 夫，16年搭上G.E.M.前，前度女友正是G.E.M.閨密JW，16年後則近水樓台，擠走其經理人張丹的老婆，接任G.E.M.造型師職位。
男友親自操刀，G.E.M.由初走紅時的時裝災難變街頭look 潮人，昔日Baby fat冇晒、五官輪廓變得精緻，從前闊大鼻翼亦唔見咗。
男友幫得手，愈大愈靚的G.E.M.亦都愈愛愈公開，日前行住紅地氈都公開二人合照更發表愛的宣言:「Thanks for always having my back!」個樣似足徐子珊，不過G.E.M.應該想條命似徐子淇嫁入豪門囉!
G.E.M.獲邀去NASA頒獎唱歌 竟爆整容疑雲網民：唔認得佢肯定埋咗線囉！
一直有「宇宙 G.E.M.」之稱嘅鄧紫棋（G.E.M.），唔通真係同太空特別有緣？
話說講返轉頭佢點解會有個咁嘅稱號，就要講到2014年，佢成為了亞洲首位華人形象大使，當時仲話2015年會去荷蘭阿姆斯特丹接受訓練，準備飛上太空。
當時宇宙巨G.E.M.仲有post過唔少著晒太空衣嘅相，可惜最後都未有達成使命，未有上到太空，17年G.E.M.就話收到email呢次太空旅行唔能夠成行。
上次唔成行唔緊要，呢次G.E.M.就獲邀去到美國擔任表演嘉賓，出席堪稱係「科學界奧斯卡」嘅「科學突破獎」（Breakthrough Prize）頒獎禮，更在台上表演唱中文歌，認真威水！
出發前G.E.M.都有在網上貼文，話自己收到邀請時完全係受寵若驚，真係發夢都估唔到！
佢話：「有點小緊張，因為以前在占士邦電影裏看到Pierce Brosnan時，根本沒想過有一天他將介紹我出場然後聽我唱歌！而且當晚唯一的另一位表演嘉賓更是我從小超級無敵仰慕的Lionel Richie，反正我好興奮好激動，必須表達一下，哈哈哈！」
「宇宙 G.E.M. 」呢日以一身低胸晚裝現身，在台上跟主持人交流時，佢介紹自己係來自香港，之後就獻唱中文歌，係電影《太空潛航者Passengers》中文主題曲《光年之外》。
個面幾尖…
呢次雖然都令唔少網民覺得G.E.M.揚威國際，非常值得港人驕傲，但大家的重點除了落咗G.E.M.的英文﹑唱功之外，最受關注嘅反而係佢個樣！
近睇鼻樑似乎真係比以前挺咗喎！
有少少唔自然個表情，唔通真係「膠」咗？
好多網友留言都話覺得G.E.M.唔同咗樣，差少少唔認得佢！
網友：「個鼻似埋左線」﹑「塊面好似細左」﹑「微整過啦」
睇返G.E.M. 接受訪問時，眼利嘅網民都話真心唔同咗樣！
睇返G.E.M.個樣，其實認真由頭到腳全身都瘦咗好多，以前嘅baby fat 全部撇甩晒！不過鼻樑位﹑下巴位又似乎係比以前唔同咗嘅…
輪廓係咪比以前立體咗呢？！
同場加映
鄧紫棋G.E.M.傳已秘密結婚
鄧紫棋（G.E.M.）與台灣歌手林宥嘉（Yoga）拍拖3年後就分手告終，後來，林宥嘉於2017年時便與丁文琪結婚，現已育有兩個小朋友，一家人幸福美滿；反觀鄧紫棋（G.E.M.）就自當時分手後，就已被傳出對林宥嘉念念不忘，直至2018年時，鄧紫棋（G.E.M.）就在個人社交網站上高調公開與王灝兒（JW）舊愛、富二代造型師魏俊杰Mark拍拖。
鄧紫棋（G.E.M.）早在2018年赴美國NASA演出時，就已大方曬出和造型師男友的合照，並留言表示：「Thanks for always having my back. got my back.（謝謝你總是支持我，我當你的靠山）」，從而高調對外公開二人拍拖。而2人自拍拖後，，不時都在社交網站上大曬恩愛放閃，亦曾被媒體影到每一個戰利品一定都是男方幫忙拿。
2年來，鄧紫棋 （G.E.M.）和造型師魏俊杰Mark均十分恩愛，感情穩定甜蜜，而今日就有消息傳出鄧紫棋 （G.E.M.）已在今年1月25日（大年初一），與男友在泰國海邊舉行小型的婚禮。查回鄧紫棋（G.E.M.）的個人社交平台，在1月25日時，鄧紫棋 （G.E.M.）就上載了一張與外公的合照，從相中可清楚看到背景是陽光、海灘的泳池景，而在2月1日，鄧紫棋 （G.E.M.）就上傳同妹妹一齊在泳池邊吃早餐的相片；2月10日，就再上傳一張一樣背景的泳衣相。
另一邊箱，魏俊杰Mark就沒有相片貼出，反而是魏俊杰Mark的妹妹魏韵芝，就在1月26日其個人社交網上貼出一張與鄧紫棋（G.E.M.）同樣背景的相片，從相中看起來，似乎是兩人家一齊同遊泰國。
有不少媒體均分別向鄧紫棋（G.E.M.）、魏俊杰Mark、以及G.E.M.的閨密姐妹李蘊及何超蓮求證，眾人異口同聲否認！鄧紫棋（G.E.M.）就透過工作人員代為回應：「藝人的私事一般都不會作出回應，只是今次的傳聞實在太好笑，而G.E.M.也托為回話，轉告大家她還沒有結婚，不用恭喜她，但謝謝大家的關心」；而G.E.M.的閨密姐妹李蘊及何超蓮就分別表示：「如果阿G.E.M.結婚而我無份做伴娘，會殺咗佢！」
