郭柏妍瑜伽褲上演「人肉Sit Up」(有片) 網民：教壞細路！

郭柏妍瑜伽褲上演「人肉Sit Up」 網民：教壞細路！

今年25歲的郭柏妍，於2020年度的《香港小姐》比賽中獲得季軍，同年簽約成為TVB藝人。出演過《青春不要臉》，《雙生陌生人》以及《白色強人II》，無論是樣貌定演技都備受觀眾認同，並認為是下一代的未來之星。於台慶劇《下流上車族》中出演「車芊芊」一角更是被網民封為「新一代女神」。

林穎彤要瘦面

早前，一眾《下流上車族》的演員齊齊上《東張西望》拜年Keep Fit，女演員們紛紛換上瑜伽褲上陣，男演員則派出丁子朗以及關曜儁雙雙上陣。今次上節目的原因就係想為一眾在新年食得太多嘢的演員減減肥，操一操返個身型出來。一直被笑「大面Bella」的林穎彤一上嚟就話想瘦面，仲即場大擺誘人表情。

「人肉Sit Up」有睇頭

不過要數最有睇頭，都係丁子朗同郭柏妍的「人肉Sit Up」環節，只見丁子朗企在原地，而郭柏研則樹熊咁騎上丁子朗身上，然後就開始做Sit Up，成個畫面變得養眼十分，而郭柏妍亦都展現出自己的完美身段。

網民彈多於讚

有唔少網民都大讚郭柏妍樣靚身材正以及玩得夠放，仲認為丁子朗同郭柏妍之間係有啲火花。不過都有部分網民反對其節目中的健身動作，直言：「健身方式有好多種，唔使咁 cheap揀拍部份意識不良姿勢」，「正常唔會咁做 GYM 吧」，「教壞細蚊仔」，「睇落似下流上女族多啲」。仲有人指該節目是摧毀了郭柏妍所建立的清純形象。

睇片啦！