前妻歐倩怡經濟困難 郭晉安回應有無出手！過得超好拍劇公司25週年

歐倩怡等錢使 郭晉安回應：佢嘅事問返佢

歐倩怡曾在早前接受傳媒訪問時透露自離婚後面臨經濟壓力，需要獨自負擔生活開支如房租等，並坦言自2005年後未曾工作，感到與社會脫節，且急需金錢「好等錢使」。而郭晉安昨晚25日在尖沙咀出席無綫電視新劇《金式森林》的煞科宴。在活動中，他被問及知不知道前妻歐倩怡的經濟狀況以及有否提供經濟援助時，郭晉安表示唔回應經濟援助的事，更強調前妻歐倩怡的事應問回她自己「呢方面我唔講啦，佢嘅嘢你問返佢啦」，然後透露現時大家是朋友關係中。最後郭晉安指2人只因子女的問題需要保持聯絡，但雙方很少溝通。對於前妻可能重返演藝圈的可能性，郭晉安也表示雙方未有討論過此事。不過單身後的郭晉安似乎過得比歐倩怡好很多，在訪問中亦透露自己過得很習慣完全沒有影響，又拍新劇《金式森林》，公司準備25週年。

重溫郭晉安否認前妻指控「見死不救」

歐倩怡早前在網上清談節目上指控前夫郭晉安對待她的不當行為，包括在她病重時置之不理，甚至讓她一夜之間嘔吐在痰盂中的情況。這些指控引發了廣泛的網上討論和關注。郭晉安接受媒體採訪時親自回應了這些指控，每一句都十分有力，並且間接表明歐倩怡可能在說謊。「我唔再講喇，唔係真嘅嘢唔想講，唔係真嘅嘢我都誤會回應。」不過郭晉安就強調二人的房間時套房，裡面一定唔會有痰罐。

郭晉安講明唔會玩交友APP

當傳媒問到郭晉安會否效仿歐倩怡嘗試玩交友APP，郭晉安就指畢竟二人都已經分開，所以不會評論對方玩交友APP一事，而自己就比較相信緣分，加上對電子產品不熟悉，所以應該不會玩交友APP。

郭晉安坦言離婚對自己冇影響

郭晉安在訪問中亦有被問到在拍攝與陳曉華分手戲份時，是否會勾起他對離婚的不快回憶，郭晉安表示對自己毫無影響，做戲還做戲，加上一起已經過去，以後會一路向前，為以後的生活努力。至於一對子女，郭晉安就指一直有為子女進行輔導，之後亦會與仔仔出外讀書。

網民：個女已經輸哂

網友睇完郭晉安的訪問，都不得不表示男方答得好高章，「大方過前妻好多」「個女已經輸哂 男就大把世界」「屋企無啦啦真係唔會有痰罐」「香港仲有幾多人屋企有痰罐 你想買都難」「佢老婆一離婚連人格都幾級咁跌」

歐倩怡大爆前夫郭晉安無視自己病重

歐倩怡在節目中大爆自己在2019年細菌感染全身發炎，某一晚凌晨更一度透唔到氣，甚至搞到失禁。歐倩怡表示當時不停拍身旁的郭晉安，但郭晉安初時並沒有理會：「我不斷拍我身邊嗰個，我同佢講我透唔到氣，跟住佢就話你唔好玩啦，訓啦。跟住佢就見到我真係唔對路，就開始起身，幫我Google。」

網民怒數歐倩怡4宗罪：

雖然歐倩怡今次在離婚後首次接受訪問，但網民的反應都非常冷淡，不少網民都認為歐倩怡的談吐粗俗又自大，又認為歐倩怡一離婚就數臭前夫好無品。

歐倩怡訪問被批態度極傲慢 網民怒數4宗罪

1 | 講野粗俗冇內涵

歐倩怡原本形象溫雯又有氣質，不過在今次訪問中，歐倩怡每次發言都非常激動，肢體動作都非常誇張，惹來網民一致差評：「之前一直覺得歐倩怡好有氣質，點知原來講野都幾浮誇又自大」、「好bitchy嘅小丸子」、「講野個tone成個魯芬咁…表達能力又1999」等。

2 | 認為自己好叻太自大

歐倩怡在訪問中一開始就提及到自己擁有多個學位和資格，就連打鼓都考到5級。不過網民就認為歐倩怡身為一邊兼顧家庭，一邊學習的確值得鼓勵，但歐倩怡在節目中「女人真係唔好讀太多書」、「男士係會驚你，勁得濟係嚇親人」等言論就太過自大。

3 | 一離婚就數臭前夫

網民指歐倩怡與郭晉安宣佈離婚剛過一個月就開始數臭前夫，認為其行為未免太無品：「一離婚就數臭前夫咁搶口」、「地阿旺都冇講乜野，自己仔女上網睇到自己老母咁8婆會點諗」、「原來阿旺先係真男人」等。

4 | 交友APP未見面就要買電腦

歐倩怡在節目中在分享自己玩交友APP時未見面就同對方表示要買電腦，男方又主動提出要買俾歐倩怡，不過最後男方就甩底冇出現，歐倩怡就即刻話對方「伏！」。網民聽到之後，都即刻留言指歐倩怡拜金又麻煩：「未見面又話要人送電腦又盛，跟住又要test人無啦啦改餐廳，已經feel到係個麻煩X」。

一齊睇訪問：

歐倩怡日前接受了蝦頭及連詩雅主持的《絲打圍爐》訪問，首次談及回復單身的生活，被網民狠批兼怒數4宗罪！