連登仔反撐余德丞魚生片3大要點：你班人崇日！

33歲前TVB藝人余德丞近日因YouTube頻道「9bothew 膠保廢」一條喺遊日食魚生片惹熱議，除咗被唔料觀眾留言怒轟余德丞同行唔尊重，影響香港之外，仲有youtuber TIK LEE都拍片認為佢哋言行不恰當，引起不少爭議。不過就有網民喺連登討論區發起討論，大撐余德丞不得止，仲指youtuberTIK LEE的批評完全係當咗每個人都係毒L，成班人都係崇日！

余德丞日本余德丞自離巢後是非不斷。 — 余德丞自離巢後是非不斷。（圖片來源：IG@yuduck）

連登仔大撐余德丞寸爆網民都係「崇日x」

YouTube頻道「9bothew 膠保廢」余德丞遊日食魚生片被網民大批不尊重日本文化，有連登仔就反擊呢啲網民全是「崇日x」！認為其實條片都一般youtube片，無論係行為同言語都係普普通通，只係講嘢有啲賴幽默同進取少少，唔明點解網民咁激動，好似當咗日本係啲好神聖的地方咁，放大件事嚟睇形容到余德丞同行友人都係唔尊重人地文化，認為如果轉咗其他地方唔係日本根本唔會有人討論。

反問食唔晒係咪都要照叫4碗先？！

該名連登仔認為「9bothew 膠保廢」有解釋係已獲得店主許可拍攝，而且無影到其他食客同埋就算影到店主的樣都有打格，談吐亦客觀。亦指最多網民批評的「食2碗飯」問題，認為咁大碗，片中都睇得出4個人食2碗已經好飽，點解仲要叫4碗，反問係咪食唔晒啲飯就叫尊重？

余德丞日本四個人叫兩碗飯被網友批評寒酸及不懂規矩。 — 四個人叫兩碗飯被網友批評寒酸及不懂規矩。（圖片來源：YouTube@9bothew 膠保廢）

余德丞片中可見份量真係超多 — 片中可見份量真係超多（圖片來源：YouTube@9bothew 膠保廢）

余德丞有介紹到飯的份量超多 — 有介紹到飯的份量超多（圖片來源：YouTube@9bothew 膠保廢）

余德丞講到兩碗已經食飽4個人 — 講到兩碗已經食飽4個人（圖片來源：YouTube@9bothew 膠保廢）

點評TIK LEE 當人地個個都係毒L

該名連登仔仲點評埋同樣有評論事件的youtuberTIK LEE，皆因TIK LEE都同網民態度一樣，認為質疑「9bothew 膠保廢」係無事前拎到拍攝許可，同埋認為去日本應該要做少少research，了解下人地當地文化，更指日本人英文好差，應該識返兩句日文。連登仔就指「TIK LEE仲搞笑，係咁話有睇開日劇動漫都知唔應該點點點，好似expect左個個人都好似佢地咁x毒咁」