贏錢贏到盡！ViuTV《籌旗》賽前攻略

每次嘅競賽項目，隊長們會根據項目需要嘅技能派出適合嘅隊員參賽，而我哋只需按自己心水揀選覺得會勝出嘅隊伍，答問題並投放ViuPoint就可以喇～不過要赢一定要經過精密嘅分析，以下幾點一定要留意！

摸清個底更易揀

其實呢個遊戲節目就好似揀另一半咁，一定要摸清對方嘅底！除咗要睇大隻仔們嘅賽前喊話，都可以事先去《ViuTV籌旗》個facebook了解定班猛男！同平時都要留意佢哋擅長啲咩，因為每次嘅競賽項目都唔同，有啲可能要智力、有啲要體力、有啲要耐力，隊長們識唔識知人善任亦係關鍵。

識揀仔赢一半

得到最多ViuPoint嘅仔仔可以有秘密武器，例如減少競賽難度、減少時間、增加用具等，揀最熱門嘅好似最有So？但原來勝出嘅仔仔越多人揀，就越多人分錢，咁攤分到嘅錢會更少。咁到底應該跟大隊定盡地一鋪，定將ViuPoint平均分配，赢少少當賺咗？er…睇嚟選擇困難症又要病發。

早玩多幾舊

呢個節目係勝出嘅人分10萬，唔係每人有10萬，所以其實越少人玩越多錢分。但天生麗質難自棄，好嘅節目自然多人玩，越後期越多人知。所以想分更多嘅儲值額，就要喺初期仲未好多人知嘅時候開始玩，甚至將嗰30個ViuPoint喺頭幾個回合用盡佢，要赢多啲錢就要提早定好投資策略喇！

富者越富

不過每日嗰10萬都只係甜頭，主菜係每個星期五（12月9日及12月16日)都會分別有30同70萬特別Jackpot。只要你喺嗰個禮拜成為首5位最多儲值額嘅參賽者就有機會，想拎特別Jackpot，咁就要每晚 9點半捕定ViuTV 99台，記得越早玩越著數，拎埋Jackpot先係大贏家！
想贏錢就快啲去登記啦：http://chipin.viu.tv
籌旗比賽時間：

比賽時間為2016年12月5日至16日，逢星期一至五，晚上9時30分至晚上10時於ViuTV 99台電視直播。