譚詠麟前徒弟Tommy阮民安兩日發三帖文 暗嘲校長捲入桃色風波：這陷阱 這陷阱 這陷阱 偏佢遇上~
撰文：八卦妹｜圖片來源：Facebook@Tommy阮民安、新傳媒圖片庫
相關文章：
71歲譚詠麟被爆與女粉絲發生超友誼關係 校長經理人公司表示正處理事件
譚詠麟被指搭上年輕女粉絲 網民偵探上身搵蛛絲馬跡 4大相同地方同你逐個數
譚詠麟多年來周旋兩房之間 正室最後帶髮出家 二奶知己擺酒設正名份？！
譚詠麟親自發掘E-kids入行
早在2000年E-kids三位成員Tommy（阮民安）、Alan（林泳倫）和Tim（郁禮賢）還在任職餐廳侍應時，便獲譚校長睇中成為組合「E-kids」而入行，力捧為「港版w-inds」，更曾邀請他們擔任其演唱會嘉賓。
譚詠麟捲入桃色風波 Tommy阮民安發文唱歌
譚詠麟日前被爆出內地年輕女粉絲發生超友誼關係，事件轟動中、港、台三地，而曾是譚詠麟徒弟之一的E-kids 成員Tommy阮民安，看到校長捲入桃色風波後，不但上載校長在做GYM的相片，仲留言表示：「這陷阱 這陷阱 這陷阱 偏佢遇上~71歲都仲有心有力呀下～BTW對鞋(請随便分享)痰詠倫失去了一切，痰詠倫的鞋子證實了這消息……倫伯，呢鋪你走唔甩啦～」
隨後約一個多小時後，Tommy阮民安再發出帖文指：「出咗兩個Po之後，好似又俾FB Block咗！我唔敢再講倫伯睡人女朋友了，對唔住！您哋睇到呢個Po嗎？Say個hi丫」應該是他在上一個帖文發出後，即再追加發文，但發不出，從而令他感到疑惑。
Tommy阮民安發長文暗嘲譚詠麟
昨日（25日）中午，Tommy阮民安在其社交網上發下長文，當中的內容大講當年Tommy初出道時，譚詠麟是如何教他成為一位出色又成功的歌手，又同時教他如何在娛樂圈中生存的秘訣，讓他獲益良多，但在尾段時，Tommy便表示：「原來你一直沒有將你最重要的成功秘訣 「睡粉」 傳授俾我，我要去到組合都解散了，你71歲的這一年才知道。」還同時嘲諷譚詠麟很可能成為下一個吳亦凡。
網友：倫伯唔教你，係怕教識徒弟無師傅
有不少網友均有Tommy的帖文下留言，並笑說：「佢驚你瞓咗佢d女女」、「正所謂教識徒弟無師父！」、「倫伯係時候唱返佢首國語名曲，披著羊皮的狼，最近應該會係國內好hit」、「好文采，寫到腰心腰肺，大家鍾意睇噃」、「做師傅當然要留一手喇, 食粉絲尼樣補品, 梗係留返俾自己喇！」
